09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Պետական պաշտոնյան, որը նման կեցվածք ունի, օր առաջ պետք է իր իրերը հավաքի և տուն գնա․ պատգամավոր․ ՏԵՍԱՆՅՈՒԹ
Քաղաքականություն
26.03.2019 | 17:37
Ազգային ժողովի «Իմ քայլը» խմբակցության պատգամավոր Նազելի Բաղդասարյանը զգոնության կոչ է հղում այն մարդկանց, որոնք հեղափոխությունից 11 ամիս անց էլ դրա բովանդակությունը չեն գիտակցում։
«Կան միջին օղակում պետական պաշտոնյաներ, որոնք դա չեն գիտակցում, ինչը արտացոլված է մարզերում։ Հենց մարզերից էլ ազդակներ ենք ստանում, որ հեղափոխության ամբողջ ազդակները տեղ չեն հասել, մանր ու միջին որոշ պաշտոնյաներ շարունակում են բանակցել չինովնիկի կեցվածք՝ չինովնիկի մտածելակերպով և ձեռագրով, ինչը ժողովրդի մոտ ստեղծում է տպավորություն, որ որևէ բան չի փոխվել»,- ասաց Բաղդասարյանը՝ նշելով, որ ժամանակին որոշ քաղաքական հայրերի հովանավորությամբ պաշտոններ զբաղեցնող չինովնիկները չեն փոխվել։
Ըստ իմքայլական պատգամավորի՝ իր համար զարմանալի է, որ այսօր կան պետական պաշտոնյաներ, որոնք հանդգնում են ժողովրդի հետ քամահրանքով խոսել։
Բաղդասարյանը նաև հավելեց, որ պատգամավորները փոխանակ օրենսդիր գործունեություն ծավալելու, ստիպված են լինում տեղային սոցիալական խնդիրներ լուծել, որովհետև տարբեր չինովնիկներ թերանում են։
«Պետական պաշտոնյան, որը նման կեցվածք ունի, օր առաջ պետք է իր իրերը հավաքի և տուն գնա, մենք հայաստանյան իրականության մեջ նման պաշտոնյաների կարիք չունենք»,- նշեց պատգամավորը։
Մանրամասները՝ տեսանյութում։
Աղավնի Սուքիասյան
