17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Թերբեռնված ռեժիմով ենք աշխատում․ Սերգեյ Բագրատյանը՝ ԱԺ աշխատանքների մասին․ ՏԵՍԱՆՅՈՒԹ
Քաղաքականություն
26.03.2019 | 17:31
Ազգային ժողովի «Բարգավաճ Հայաստան» խմբակցության պատգամավոր Սերգեյ Բագրատյանն այսօր խորհրդարանում հայտարարությունների ժամին իր մտահոգությունը հայտնեց պատգամավորների աշխատանքի վերաբերյալ։
«Կարծում եմ, որ այս քառօրյան էլ մենք վաղը, հավանաբար, կսպառենք, թերբեռնված ռեժիմով ենք աշխատում, ուստի առաջարկում եմ դիմել ԱԺ նախագահին և խորհրդին՝ հաջորդ երկու օրերը կազմակերպել արտագնա նիստ Գյումրի քաղաքում, տեղում կազմակերպել նաև ընդունելություն քաղաքացիների հետ»,- ասաց ԲՀԿ-ական պատգամավորը՝ հիշեցնելով, որ երբ Մուհամեդը չի գնում սարի մոտ, սարն է գնում Մուհամեդի մոտ։
Ըստ պատգամավորի՝ «Քանի որ Կառավարությունն ամբողջ ռեժիմով պատրաստ չէ նախագծեր բերելու, մենք էլ, կարծես թե, թերանում ենք նախագծեր մշակելիս, առաջարկում եմ մշակույթ ներդնել՝ մարզերում արտագնա նիստեր անցկացնել»։
Մանրամասները՝ տեսանյութում։
Աղավնի Սուքիասյան
