09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
«Սպայկա» ընկերությունը պանրի գործարան է հիմնել, կաթը գնելու է աննախադեպ գնով՝ 190 դրամով. ՏԵՍԱՆՅՈՒԹ
Տնտեսություն
26.03.2019 | 16:48
Այսօր տեղի է ունեցել «Սպայկա» ագրոհոլդինգի պանրի և կաթնամթերքի այլ տեսակների՝ ժամանակակից տեխնոլոգիաներով հագեցած գործարանի բացման արարողությանը: Ներդրվել է 15 մլն դոլար: Գործարանում ստեղծվել է 120 նոր աշխատատեղ: Արտադրական հոսքագիծը թույլ է տալիս արտադրել բորբոսով պանիրների ամբողջ տեսականին:
«Սամբիել» ապրանքանիշով պանրի տարեկան արտադրությունը կկազմի ավելի քան 2000 տոննա: Արտադրանքը սպառվելու է Հայաստանում, ԱՊՀ և Մերձավոր Արևելքի երկրներում: Գործարանի կողմից տարեկան մթերվելու է ավելի քան 20 մլն լիտր որակյալ կաթ: Ընկերությունը հիմնել է նաև լաբորատորիա՝ կաթի որակի ստուգման համար: Երկրորդ փուլում այս գործարանի հարևանությամբ ընկերությունը նախատեսում է կառուցել 2-րդ գործարանը՝ կիսաչոր և չոր պանիրների տեսականու համար, ինչի նպատակով համատեղ ներդրումներ են նախատեսվում հոլանդական ներդրող ընկերության հետ: Երկրորդ փուլում արտադրվելու են հոլանդական ու շվեյցարական տեսակի բարձրակարգ պանիրներ: Ներդրումների ընդհանուր չափը կկազմի մոտ 30 մլն դոլար, իսկ գործարանի արտադրողականությունը դրա շնորհիվ կավելանա ավելի քան 6 հազար տոննայով:
Մանրամասները՝ տեսանյութում:
Նարեկ Կիրակոսյան
