05.07.2026 | 09:35
Ժողովուրդը չունի այն զգացողությունը, թե երկրում հաստատված իրավակարգն իրենից է բխում․ Նիկոլ Փաշինյանի ուղերձը
Սա անարգանք և լկտիություն է․ պատգամավորը՝ ԵՊՀ-ի դիմաց վաճառվող կուրսային և դիպլոմային աշխատանքների մասին․ ՏԵՍԱՆՅՈՒԹ
Քաղաքականություն
26.03.2019 | 14:03
Ազգային ժողովում այսօր քննարկվում է «Գովազդի մասին» Հայաստանի Հանրապետության օրենքում լրացում կատարելու մասին Կառավարության ներկայացրած օրենքի նախագիծը, որով առաջարկվում է արգելել կուրսային, դիպլոմային աշխատանքների, թեզերի վաճառքի մասին գովազդը։
Օրենքի նախագծի վերաբերյալ ԱԺ «Իմ քայլը» խմբակցության պատգամավոր Գևորգ Պապոյանը նկատեց, որ այն մեզ պետք է թեկուզև հենց այն պատճառով, որ դրանում անարգանք կա ակադեմիական, գիտական, դասախոսական շրջանակների նկատմամբ։
«Երբ ԵՊՀ-ի դիմաց կա վարձակալված հսկայական տարածք, որտեղ մեծ տառելով գրված է, որ վաճառվում են կուրսայիններ, դիպլոմայիններ, սա, կարծում եմ, լկտիություն և անարգանք է այն ակադեմիական շրջանակների հանդեպ, որոնք գործունեություն են ծավալում դիմացի շենքի ներսում։ Եթե այս օրենքը լուծի այն հարցը, որ այդ մեծ պաստառները վերանան կամ այդ շենքերը փակվեն, ինձ համար սա արդեն շատ մեծ դրական փոփոխություն կլինի, որովհետև ամեն անգամ, երբ անցնում եմ այդ պաստառների կողքով, որպես բուհի դասախոս, ես ինձ վատ եմ զգում»,- ասաց պատգամավորը՝ հավելելով, որ աջակցում է այս օրենսդրական նախաձեռնությանը և եթե հետագայում ԱԺ բերվի ավելի խիստ նորմ, դրան ևս կաջակցի։
Մանրամասները՝ տեսանյութում։
Աղավնի Սուքիասյան
