05.07.2026 | 09:35
Ժողովուրդը չունի այն զգացողությունը, թե երկրում հաստատված իրավակարգն իրենից է բխում․ Նիկոլ Փաշինյանի ուղերձը
Ի՞նչն է խանգարում, որ պլագիատը հայտնաբերող տեխնոլոգիաները պարտադրվեն բուհերին․ Արման Բաբաջանյան․ ՏԵՍԱՆՅՈՒԹ
Քաղաքականություն
26.03.2019 | 13:45
Ազգային ժողովի այսօրվա նիստում քննարկվում է Կառավարության ներկայացրած «Գովազդի մասին» Հայաստանի Հանրապետության օրենքում լրացում կատարելու մասին օրենքի նախագիծը, որով առաջարկվում է արգելել դիպլոմային, կուրսային, դոկտորական և նմանատիպ աշխատանքների վերաբերյալ գովազդը։
ԱԺ «Լուսավոր Հայաստան» խմբակցության պատգամավոր Արման Բաբաջանյանը հարցի հիմնական զեկուցող ԱԺ «Իմ քայլը» խմբակցության պատգամավոր Հովհաննես Հովհաննիսյանից հետաքրքրվեց՝ ի՞նչն է խանգարում, որ նման արտագրված աշխատանքները, պլագիատը բացահայտող ժամանակակից տեխնոլոգիաների ներդրումը պարտադրվի բոլոր բուհերին։
Ի պատասխան Հովհաննիսյանը նկատեց, որ նախարարությունը որևէ մեկին չի կարող ստիպել, քանի որ կա բուհական ինքնավարություն, որը վեր է ամեն ինչից։
«Կարող ենք հորդորել կամ խնդրել այդ ճանապարհով անցնել, բայց դա բուհի ղեկավարության հստակ տեսլականը պետք է լինի»,- նկատեց իմքայլական պատգամավորը։
Արման Բաբաջանյանը նաև հիշեցրեց, որ մամուլը գրել էր, որ հայտնի բուհերից մեկի ռեկտորի թեկնածուական թեզը եղել է արտագրված ու հետաքրքրվեց, թե այս հարցում դասախոսների շրջանում ինչպիսի պատկեր է։
Ի պատասխան Հովհաննիսյանը նշեց․ «Խոսքը վերաբերում էր դոկտորական աշխատանքին, լավ ծանոթ եմ, բայց այս պահին որևէ բան չեմ կարող ասել․ կա անմեղության կանխավարկած»։
Մանրամասները՝ տեսանյութում։
Աղավնի Սուքիասյան
