05.07.2026 | 09:35
Ժողովուրդը չունի այն զգացողությունը, թե երկրում հաստատված իրավակարգն իրենից է բխում․ Նիկոլ Փաշինյանի ուղերձը
ՀՆԱ-ի աճին զուգընթաց սոցիալական պատկերը ստորին աղքատների համար, այսպես ասած, էական չի փոխվել․ Արտակ Մանուկյան. ՏԵՍԱՆՅՈՒԹ
Քաղաքականություն
26.03.2019 | 12:40
Ազգային ժողովի արտահերթ նիստում քննարկվում է «Պետական կենսաթոշակների մասին» Հայաստանի Հանրապետության օրենքում լրացումներ և փոփոխություններ կատարելու մասին նախագիծը, որով առաջարկվում է Հայաստանում նվազագույն կենսաթոշակի չափ սահմանել 25․500 դրամը։
Նախագծի վերաբերյալ ԱԺ «Իմ քայլը» խմբակցության պատգամավոր Արտակ Մանուկյանն ասաց, որ սա անհրաժեշտ, բայց ոչ բավարար փոփոխություն է։
«Մենք խոսում ենք մի խնդրի մասին, երբ ակնհայտ է, որ ՀՆԱ-ի աճին զուգընթաց սոցիալական պատկերը ստորին աղքատների համար, այսպես ասած, էական չի փոխվել։ Եթե մենք վերցնենք 2017 թվականի հունվարի 1-ը համեմատենք 2019 թվականի հունվարի 1-ի հետ և դիտարկենք գնաճը՝ որպես գործոն, ապա այդ զամբյուղի արժեքը կկազմեր 25․ 314 դրա, եթե գիտակցում ենք, որ հունվարի 1-ի դրությամբ կա 4 տոկոսի թիրախավորված գնաճ, ապա 2020 թվականին այս զամբյուղի արժեքը կկազմի 26․ 326 դրամ։ Ուզում եմ ասել, որ այս փոփոխությունը դրական է, բայց եթե կա հնարավորություն, որ մենք այս ցիկլը փակենք, ապա եկենք փակենք, որ հետո չգանք ասենք, թե օրենքին հետադարձ ուժ ենք տալիս»,- ասաց Մանուկյանը։
Մանրամասները՝ տեսանյութում։
Աղավնի Սուքիասյան
