17.09.2026 | 20:48
«Հայփոստի» թափանցիկության խնդիրը․ տնօրենի 3.6 մլն դրամ վարձատրություն և չբացահայտվող տվյալներ
ՊԵԿ-ում տարբերակ են գտել, թե «նիսյայով» վաճառված ապրանքի ՀԴՄ-ն ինչպես են տալու. մանրամասնում է Դավիթ Անանյանը
Տնտեսություն
25.03.2019 | 17:26
ՊԵԿ-ում քննարկում են տարբերակ՝ ինչպե՞ս լուծել այն խնդիրը, որ գյուղական համայնքներում «նիսյա» ապրանք վաճառելու դեպքում ՀԴՄ կտրոն տրամադրեն: ՊԵԿ նախագահ Դավիթ Անանյանի խոսքով՝ գյուղական վայրերում բոլորն իրար ճանաչում են, ՀԴՄ կտրոն չեն տրամադրում:
«Այստեղ մշակույթի ձևավորման խնդիր է, իհարկե՝ կարելի է կատակներ անել սրա առումով, որ թող խռովեն իրարից, բայց պահանջեն: Բայց այստեղ ուղղակի պետք է մշակույթի ձևավորվի: Գալիս են նիսյայով ապրանք են առնում, հետո էլ ասում են՝ ՀԴՄ կտրոնս էլ տուր, այսինքն՝ ինքը պահանջատեր է դարձել, բայց գումար չունի վճարելու համար»,- ասաց նա:
ՊԵԿ նախագահը նշեց, որ այստեղ, հնարավոր է, ՀԴՄ-ի կտրոնների շահագործման առումով նորամուծություն անեն: «Որ ՀԴՄ-ն տրամադրվի նաև նիսյա առևտրի ժամանակ, ստացական մի բան տրամադրի, և երբ ստացականը հետ բերի՝ վճարելու, այդ ժամանակ նոր ՀԴՄ կտրոն տա: Դա գաղափար է, որը մեզ մոտ քննարկել ենք, բայց թե ինչքանով կլինի, չգիտեմ»,-նշեց Դավիթ Անանյանը:
Նարեկ Կիրակոսյան
