13.08.2026 | 13:07
Ադրբեջանցի մասնագետները 2025 թվականի սեպտեմբերին են ՀՀ տարածքում ուսումնասիրություն իրականացրել. Փաշինյան. ՏԵՍԱՆՅՈՒԹ
Արտակ Զեյնալյանի հասցեին սպանության սպառնալիքներ հնչեցնելու փաստով հարուցվել է քրգործ
Հասարակություն
25.03.2019 | 17:30
ՀՀ արդարադատության նախարար Արտակ Զեյնալյանի հասցեին սպառնալիքներ հնչեցնելու փաստով հարուցվել է քրեական գործ: Այս մասին Factor.am-ին հայտնեց ՀՀ գլխավոր դատախազության հանրային կապերի բաժնի պետ Արևիկ Խաչատրյանը:
«Փաստի առթիվ հարուցվել է քրեական գործ ՀՀ ՔՕ-ի 316-ի 1-ին մասի, այն է` իշխանության ներկայացուցչի նկատմամբ բռնություն գործադրելու սպառնալիքը և 137-ի հոդվածի 1-ին մասի, այն է` սպանության, առողջությանը ծանր վնաս պատճառելու սպառնալիքը, հատկանիշներով։ Խորեն Ա.-ն բացատրություն է տվել»,- ասաց նա:
Հիշեցնենք,որ ավելի վաղ գրվել էր, որ մարտի 19-ին արդարադատության նախարար Արտակ Զեյնալյանին լրագրողների հետ ճեպազրույցում անդրադարձել էր ՀՀ պետական սահմանն ապօրինի հատելու կասկածանքով ձերբակալված Ադրբեջանի քաղաքացի Էյվին Արիֆ Օղլու Իբրահիմովին: Հարցազրույցը հրապարակվել է Զեյնալյանի ֆեյսբուքյան էջում, որից հետո Տավուշի մարզի Բերդավան բնակավայրի բնակիչ՝ 35-ամյա Խորեն Ասլանյանը սպանության սպառնալիքներ պարունակող մեկնաբանություններ է ուղարկել Զեյնալյանին։
