19.10.2026 | 23:33
Հայտնաբերվել է 431 ոչ սթափ վարորդ․ պարեկների անցած շաբաթվա ծառայության արդյունքները
Սա քաղաքական որոշում է․ մի շաբաթ էս կողմ, մի շաբաթ էն կողմ այն կիրագործվի․ Փաշինյանը՝ նոր Հայաստանում տեղ չունեցող ռեկտորների մասին․ ՏԵՍԱՆՅՈՒԹ
Քաղաքականություն
25.03.2019 | 15:42
Ամբողջ կրթական համակարգը՝ սկսած բուհականից մինչև դպրոցական, պետք է ապաքաղաքականացնել և այն ռեկտորները, որոնք բարձրագույն կրթական համակարգը դարձրել են կուսակցական բջիջներ, այն ռեկտորները, որոնք ուսանողների վրա դռներ են փակել, նոր Հայաստանում անելիք չունեն։
Այս մասին այսօր Կառավարության արտահերթ նիստի ժամանակ, դիմելով գործադիրի անդամներին, ասաց ՀՀ վարչապետ Նիկոլ Փաշինյանը։
«Թող դռները, իրենց սեղանները և բազկաթոռները ճանկռեն, բայց իրենք նոր Հայաստանում անելիք չունեն։ Թող գնան իրենց համար գտնեն այլ աշխատանք և այլ առաքելություն»,- ասաց վարչապետը՝ հավելելով, որ նման ռեկտորները չեն կարող նոր Հայաստանում աշխատել, քանի որ հեղափոխությունը սկսել է այդ պահանջով և դրանով էլ շարունակվելու է։
«Սա քաղաքական որոշում է․ մի շաբաթ էս կողմ, մի շաբաթ էն կողմ այն կիրագործվի»,- նկատեց վարչապետը։
Մանրամասները՝ տեսանյութում։
Աղավնի Սուքիասյան
