02.07.2026 | 13:49
Պարզ ճակատով եմ ավարտում այս փուլը, որևէ բանի համար չեմ փոշմանում. Ալեն Սիմոնյան․ ՏԵՍԱՆՅՈՒԹ
Անորակ ճանապարհ կառուցած շինարարական ընկերությունները չեն վճարվի, կհայտնվեն սև ցուցակում. նախարար. ՏԵՍԱՆՅՈՒԹ
Տնտեսություն
25.03.2019 | 13:33
Ազգային ժողովի տնտեսական հարցերի մշտական հանձնաժողովի այսօրվա նիստում ԱԺ ԲՀԿ-ական պատգամավոր Արթուր Դալլաքյանը տրանսպորտի, կապի և տեղեկատվական տեխնոլոգիաների նախարար Հակոբ Արշակյանից հետաքրքրվեց՝ նախարարությունն ի՞նչ վերահսկողական գործառույթներ է իրականացրել Դիլիջանն Իջևանին կապող ճանապարհի Ոսկեպարհի հատվածի կառուցման աշխատանքների նկատմամբ, քանի որ նոր կառուցված այդ ճանապարհահատվածում չկան ո՛չ գծանշումներ, ո՛չ ճանապարհային նշաններ, ավելին՝ ճանապարհն արդեն քանդվում է։
Ի պատասխան՝ Հակոբ Արշակյանը նշեց, որ պատգամավորի մատնանշած ճանապարհահատվածի աշխատանքները դեռ չեն ավարտվել, քանի որ լրացուցիչ 2.5 մլրդ դրամի ֆինանսավորում ստացել են նախորդ տարվա սեպտեմբերին, կապալառու ընկերության հետ պայմանագիրը կնքվել է ավելի ուշ, իսկ վատ եղանակային պայմանները թույլ չեն տվել շինարարական աշխատանքներ կատարել:
«Որակի վերահսկողությունն իրականացվում է բարձր մակարդակով, իսկ եթե լինեն խախտումներ, ապա դրանց ընթացք կտրվի. կա՛մ ճանապարհը չի ընդունվի ու շինարարները չեն վճարվի, կա՛մ նրանց հետ կնքված պայմանագիրը կխզվի, կհայտնվեն սև ցուցակում և կհայտարարվի նոր մրցույթ։ Խոսքը Ոսկեպարի ճանապարհի մասին է, շինարարը տեղեկացվել է, որ ճանապարհը չի ընդունվելու: Հիմա կա՛մ նորից կկատարեն այդ աշխատանքները, կա՛մ այդ ընկերությունը կհայտնվի սև ցուցակում»,- մանրամասնեց նախարարը:
Մանրամասները՝ տեսանյութում։
Աղավնի Սուքիասյան
