10.10.2026 | 17:44
Հայաստանի կրտսեր տարիքի պատանիների հավաքականը Եվրոպայի ստուգատեսում կունենա 17 բռնցքամարտիկ
Քննարկվում է ՏՏ ոլորտի ընկերությունների գործունեության շրջանակն ընդլայնելու և հարկային արտոնություններ տալու նախագիծը․ ՏԵՍԱՆՅՈՒԹ
Տնտեսություն
25.03.2019 | 11:52
Ազգային ժողովի տնտեսական հարցերի հանձնաժողովում այսօր քննարկվում են «Տեղեկատվական տեխնոլոգիաների ոլորտի պետական աջակցության մասին» Հայաստանի Հանրապետության օրենքում փոփոխություններ և լրացումներ կատարելու մասին» և Հարկային օրենսգրքում փոփոխություններ կատարելու հարցերը:
Զեկուցող ՀՀ տրանսպորտի, կապի և տեղեկատվական տեխնոլոգիաների նախարարի տեղակալ Գեղամ Վարդանյանը նշեց, որ գործող օրենքն ուժի մեջ է մտել 2015 թվականից:
Ըստ նախարարի տեղակալի՝ օրենքի նախագծով նախատեսվում է ընդլայնել ՏՏ ոլորտի կազմակերպությունների գործունեության շրջանակը, ստեղծել հավասար պայմաններ օտարերկրյա ընկերությունների կողմից ՀՀ-ում բացված դուստր ընկերությունների համար, սահմանել ՏՏ ընկերությունների կողմից հարկերի չվճարման դեպքում ռիսկերի կանխման մեխանիզմներ:
«Մենք ցանկանում ենք վերջերս ստեղծված ընկերություններին տրամադրել հարկային արտոնություններից օգտվելու հնարավորություն և առաջարկում ենք դրանց ժամկետը երկարացնել մինչև 2022 թվականի դեկտեմբերի 22-ը»,- նշեց փոխնախարարը։
Նշենք, որ օրենքի նախագիծը ստացավ ԱԺ տնտեսական հարցերի հանձնաժողովի դրական եզրակացությունը։
Մանրամասները՝ տեսանյութում։
Աղավնի Սուքիասյան
