14.12.2024 | 16:44
Անդրանիկ Հովհաննիսյանն իր հավատարմագրերն է հանձնել Վիեննայում ՄԱԿ-ի գրասենյակի գլխավոր տնօրենին
Գյումրիում երեք հոգով ծեծել են 22-ամյա երիտասարդի. նա կոտրվածքով հիվանդանոց է տեղափոխվել
Հասարակություն
24.03.2019 | 17:23
Գյումրիում երեկ մի խումբ երիտասարդների միջև վիճաբանություն է տեղի ունեցել, որն ավարտվել է ծեծկռտուքով: Factor.am-ին հայտնի դարձավ, որ երեք հոգով ծեծել են 22-ամյա երիտասարդի: Տուժածը Գյումրի քաղաքի բնակիչ Հ. Ա.-ն է:
Տուժածի մոտ ախտորոշվել է քթի կոտրվածք և կրծքավանդակի սալջարդ: Գյումրու բժշկական կենտրոնից Factor.am-ին տեղեկացրին, որ երիտասարդը համապատասխան բժշկական օգնություն ստանալուց հետո դուրս է գրվել:
Դատախազության լրատվական ծառայությունից էլ մեր հարցին ի պատասխան տեղեկացրին, որ դեպքը տեղի է ունեցել Գյումրու թիվ 41 դպրոցի մոտ: Դատախազությունից փոխանցեցին, որ դեպքի առթիվ նյութեր են նախապատրաստվում, նշանակվել է դատաբժշկական փորձաքննություն:
Տեղեկացանք, որ Հ. Ա.-ին հարվածներ է հասցրել մեկ հոգի, սակայն երկու հոգի էլ չեն թողել, որ նա ինքնապաշտպանվի կամ հեռանա: Վիճաբանության պատճառը եղել է լեզվակռիվը:
Հայկ Վարդանյան
