16.11.2024 | 20:02
Ֆրանսիայի ռեստորաններից մեկում պատանդ վերցված 4 աշխատակիցներն ազատ են արձակվել
Դե, իրենք կարող են այդ օրը, ինչպես միշտ, գնալ խաշ ուտելու. վարչապետը՝ նախորդ իշխանության ներկայացուցիչների կողմից Քաղաքացու օրը նշել-չնշելու մասին
Քաղաքականություն
23.03.2019 | 19:20
Վարչապետ Նիկոլ Փաշինյանն այն կարծիքին է, որ Հայաստանի Հանրապետության քաղաքացու օրը պետք է լինի ուրախ օր:
«Հանդիսավոր կերպով, երթ կլինի՞, թե՞ ոչ, չեմ կարող ասել, պետք է հասկանալ` քաղաքացիներն ինչպես են ցանկանում իրենց օրը նշել: Պետք է ուրախ օր լինի»,-այսօր լրագրողների հետ զրույցում, պատասխանելով հարցին, ինչպես է նշվելու այդ օրը, ասաց վարչապետը:
Հարցին՝ իսկ նախորդ իշխանության ներկայացուցիչների կողմից տոնն արդյոք կնշվի, վարչապետը պատասխանեց.
«Դե, իրենք կարող են այդ օրը, ինչպես միշտ, գնալ խաշ ուտելու, ինչպես նախկինում արել են»:
Հիշեցնենք, որ Կառավարության որոշմամբ ապրիլի վերջին շաբաթ օրը կնշվի որպես Հայաստանի Հանրապետության քաղաքացու օր:
Նախագիծը ներկայացնող, ՀՀ արդարադատության նախարար Արտակ Զեյնալյանը նշեց՝ ըստ նախագծի՝ ՀՀ քաղաքացու օր՝ կնշվի ապրիլի վերջին շաբաթ օրը, իսկ այն դեպքում, երբ մայիսի 1-ը կհամընկնի շաբաթ օրվա հետ, ապա որպես Հայաստանի Հանրապետության քաղաքացու օր կնշվի ապրիլի վերջին կիրակի օրը:
