14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Տասնամյակներ շարունակ ղեկավարի այցի շրջանակներում դեպի Ջավախք այցելություն չէր եղել. Շիրակ Թորոսյան. ՏԵՍԱՆՅՈՒԹ
Քաղաքականություն
22.03.2019 | 17:48
Ազգային ժողովի «Իմ քայլը» խմբակցության պատգամավոր Շիրակ Թորոսյանն ԱԺ արտաքին հարաբերությունների մշտական հանձնաժողովի նիստի ժամանակ հայտարարեց, որ հայ-վրացական հարաբերությունները եղել են այն հարթության վրա, որ հայկական կողմից բարձրացված բոլոր խնդիրները մնացել են անլուծելի:
«Նախկինում հայ-վրացական հարաբերություններում ունեինք շատ տխուր կարգախոս՝ չկա հարց, որ անլուծելի լինի հայ-վրացական հարաբերություններում: Բայց բոլոր հարցերը շարունակում էին մնալ անլուծելի: Այն հարցերը, որոնք մեր կողմից առաջ են քաշվել: Մեր նպատակն է, որ բոլոր բարձր մակարդակներում ձեռք բերված պայմանավորվածությունները կյանքի կոչվեն: 2018 թվականի մայիսի վերջին վարչապետն այցելեց Վրաստան, և դա ես բարձր մակարդակի այցելություն եմ գնահատում, որովհետև տասնամյակներ շարունակ ղեկավարի այցի շրջանակում դեպի Ջավախք այցելություն չէր եղել: Այնտեղ պայմանավորվածություն եղավ, որ պետք է համատեղ կառուցեն Ջավախք-Բավրա հատվածը: Նախորդ տարի պայմանավորվածություն եղավ սկսել աշխատանքները, բայց գործ չարվեց: Եթե 2019-ին չի կառուցվելու այս ճանապարը, ուրեմն չարժի խոսել հայ-վրացական հարաբերությունների մասին»,- ասաց Շիրակ Թորոսյանը՝ առաջարկելով, որ հետևողական լինեն այդ պայմանավորվածության իրագործման հարցում:
Մանրամասները՝ տեսանյութում:
Նարեկ Կիրակոսյան
