09.03.2026 | 22:10
Երևանի և 9 մարզի մի շարք հասցեներում էլեկտրաէներգիայի անջատումներ կլինեն
Ուրցաձորցիների հանդիպումը դատախազության ներկայացուցչի հետ. ՏԵՍԱՆՅՈՒԹ
Հասարակություն
22.03.2019 | 17:16
ՀՀ գլխավոր դատախազություն շենքի դիմաց Ուրցաձոր խոշորացված համայնքի բնակիչների բողոքի արդյունքում տեղի ունեցավ հանդիպում ակցիայի մի քանի մասնակցի և ՀՀ գլխավոր դատախազության կոռուպցիոն և տնտեսական գործունեության դեմ ուղղված հանցագործությունների գործերով վարչության պետ Արսեն Սիմոնյանի հետ։
Հանդիպման ընթացքում ուրցաձորցիներն Արսեն Սիմոնյանին ներկայացրին իրենց պահանջներն ու ձեռքի տակ եղած փաստերը։
Դրանցում մասնավորապես նշվում էր, որ Ուրցաձոր խոշորացված համայնքի ղեկավար Ռաֆիկ Անդրեասյանը համայնքի բնակիչ Մելիք Սուսունյանից խլել է անասնաֆերման՝ թույլ տալով մի շարք կեղծիքներ։ Այդուհանդերձ, քրեական գործի հարուցման հետ կապված դիմում
-բողոքը ՀՀ դատախազության կողմից մերժվել է։
Ուրցաձորցիների պնդմամբ, մեկ այլ բնակչից՝ Արշակ Մխիթարյանից էլ գյուղապետը խլել է հողամասը՝ վաճառելով այն։
Ակցիայի մասնակիցների ներկայացրած փաստերի շարքում նաև Ռաֆիկ Անդրեասյանի կողմից Ուրցաձորի համայնքապետարանին պատկանող երկու առանձին գրասենյակային մեծ շենքերի ապօրինի սեփականաշնորհումն է։
Ուրցաձորցիների հետ հանդիպման ընթացքում Դատախազության կոռուպցիոն և տնտեսական գործունեության դեմ ուղղված հանցագործությունների գործերով վարչության պետը խոստացավ հանդիպումներ ունենալ համապատասխան վարչությունների պետերի հետ և նշված խնդիրների մասին տեղյակ պահել։
Արսեն Սիմոնյանը հավաստիացրեց, որ Դատախազությունը հետամուտ կլինի Ռաֆիկ Անդրեասյանի դեմ հարուցված քրեական գործերի բնականոն և անաչառ ընթացքին։
Նելլի Մելքոնյան
