07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Նախկին ռեժիմին ծառայած դիվանագետներն ինչպե՞ս են ադապտանում նոր իրողություններին. պատգամավորը՝ Ադոնցին. ՏԵՍԱՆՅՈՒԹ
Քաղաքականություն
22.03.2019 | 17:32
Ինչպե՞ս է ընթանում մեր դիվանագիտական կորպուսի հնաբնակների ադապտացիան 2018 թվականի ապրիլից հետո: Ազգային ժողովի արտաքին հարաբերությունների մշտական հանձնաժողովի նիստի ժամանակ ԱԳ փոխնախարար Ավետ Ադոնցին նման հարց ուղղեց «Լուսավոր Հայաստան» խմբակցության պատգամավոր Արման Բաբաջանյանը:
«Մենք ունենք դեսպաններ երկարամյա ծառայության կոչված, որոնք ծառայել ու աշխատել են նախկին ռեժիմին, իրականացրել են այլ գործառույթներ, հանձնարարականներ: Հասկանալի է, որ հեղափոխությունից հետո նրանց առջև դրվում են այլ հանձնարարականներ: Ինչպե՞ս է տեղի ունենում այս ադապտացիոն գործընթացը»,- ասաց նա:
Փոխնախարարը պատասխանեց, որ ադապտացիան լավ է անցնում. «Անցնում է շատ ճիշտ ու խիստ ձևի մեջ, որը համապատասխանում է ո՛չ աջ, ո՛չ ձախ, այլ Դիվանագիտական ծառայության օրենքին: Սա ծառայություն է և այդ ծառայության որակը բարձրացնելու վրա մեծ ուշադրություն է դարձվում»:
Մանրամասները՝ տեսանյութում:
Նարեկ Կիրակոսյան
