03.09.2026 | 20:30
Ատոմակայանի թիվ 2 էներգաբլոկը վերագործարկվել և միացվել է ՀՀ միասնական էներգահամակարգին
Մանդատի փոփոխության կարիք չենք տեսնում. Արցախի նախկին վարչապետը՝ Ռուսաստանին մանդատ տալու մասին. ՏԵՍԱՆՅՈՒԹ
Քաղաքականություն
22.03.2019 | 16:08
Արցախը բանակցություններում ներգրավված չլինելու պատճառով է, որ որևէ հաջողության չենք հասել: Լրագրողների հետ զրույցում նման կարծիք հայտնեց Արցախի նախկին վարչապետ Արայիկ Հարությունյանը: Լրագրողների հարցին՝ ինչո՞ւ Հայաստանի նախկին իշխանությունների ժամանակ Արցախի իշխանությունները չէին պնդում, որ Արցախը ևս բանակցային կողմ դառնա, նախկին վարչապետն ասաց, որ այդ հարցը բազմիցս են օրակարգ բերել.
«Տասնյակ անգամ Ղարաբաղի իշխանությունները բարձրաձայնել են, որ հարցի լուծումը Արցախի ներգրավումն է բանակցություններում»: Լրագրողի հարցին, թե Հայաստանի իշխանություններն ի՞նչ էին պատասխանում, Արայիկ Հարությունյանն ասաց. «Չեմ պատասխանում»: Սամվել Բաբայանի այն հայտարարությանն ի պատասխան, թե պետք է Ռուսաստանին մանդատ տրվի Արցախի հարցում բանակցելու համար, Արայիկ Հարությունյանը նշեց, որ մանդատի փոփոխության անհրաժեշտություն չեն տեսնում:
Մանրամասները՝ տեսանյութում:
Նարեկ Կիրակոսյան
