03.09.2026 | 20:30
Ատոմակայանի թիվ 2 էներգաբլոկը վերագործարկվել և միացվել է ՀՀ միասնական էներգահամակարգին
Ես պարտավոր եմ հարգել կուսակցության որոշումը. Արայիկ Հարությունյանը՝ Արցախի նախագահի թեկնածու առաջադրվելու մասին. ՏԵՍԱՆՅՈՒԹ
Քաղաքականություն
22.03.2019 | 15:40
Ես խնդրում եմ այդ քաղաքական թեմային չանդրադառնալ, որովհետև ես չեմ որոշողը: Երևանում լրագրողների հետ զրույցում ասաց Արցախի նախկին վարչապետ Արայիկ Հարությունյանը՝ պատասխանելով հարցին՝ արդյո՞ք առաջադրվելու է որպես Արցախի Հանրապետության նախագահի թեկնածու:
«Ես պարտավոր եմ հարգել կուսակցության համագումարի ցանկացած որոշում: Այսօր ես ավելի շատ հանդիպում եմ հանրության հետ, ուսանողների»,- ասաց նա:
Մեր դիտարկմանը, որ արդեն քարոզարշավ է սկսել, այն էլ՝ Երևանում, Արայիկ Հարությունյանը հակադարձեց, որ այս հանդիպումները քարոզարշավ չեն: Իսկ դիտարկմանը, որ Արցախի «Ազատ Հայրենիք» կուսակցության առանցքային դեմքերը նշում են, թե հենց ինքն է առաջադրվելու նախագահի պաշտոնում, Արայիկ Հարությունյանն արձագանքեց. «Դա իրենց անձնական կարծիքն է: Համագումարը երբ լինի, կորոշենք»:
Factor.am-ը հետաքրրքվեց նաև, թե ինչպե՞ս է պատկերացնում մրցակցությունն Արցախի ԱԽ քարտուղար Վիտալի Բալասանյանի հետ, քանի որ իրենք համարվում են թիմակիցներ: «Արցախում ապրող բոլոր հայրենակիցներն ինձ համար թիմակիցներ են»,- պատասխանեց Հարությունյանը:
Նա նշեց, որ «Ազատ Հայրենիք» կուսակցության համագումարը տեղի է ունենալու այս տարվա աշնանը:
Մանրամասները՝ տեսանյութում:
Նարեկ Կիրակոսյան
