17.12.2025 | 10:42
Համաձայնագիրը խաղաղության հիմքն է, եթե կա բարի կամք և փոխադարձ հարգանք. իսպանացի պատգամավորը՝ Երևան-Բաքու երկխոսության մասին
Հավատացնում եմ, որ բավականաչափ մեծ գումարներ վերադարձվելու են ՀՀ բյուջե. Արթուր Վանեցյան. ՏԵՍԱՆՅՈՒԹ
Տնտեսություն
22.03.2019 | 12:30
ԱԱԾ տնօրեն Արթուր Վանեցյանը վստահեցնում է, որ Հայաստանից գողացվածը վերադարձվելու է ՀՀ քաղաքացուն: Այսօր ԱԺ պաշտպանության և անվտանգության հարցերի մշտական հանձնաժողովի նիստում ԱԱԾ ղեկավարն ասաց՝ այդ ուղղությամբ աշխատանքներն են տարվում, և այս տարվա ընթացքում արդյունքները տեսանելի կլինեն:
Հարցին՝ որքա՞ն գումար է վերադարձվելու պետբյուջե, Արթուր Վանեցյանը պատասխանեց. «Կանխատեսումն անշնորհակալ գործ է: Եթե ես հիմա մի բան ասեմ, մի քիչ այս կողմ կամ այն կողմ լինի, իզուր շահարկումների առիթ է դառնալու: Հավաստիացնում եմ, որ բավականաչափ մեծ գումարներ վերադարձվելու են ՀՀ բյուջե»:
Արթուր Վանեցյանը նաև նշեց, որ 2019 թվականին ԱԱԾ աշխատակիցների աշխատավարձերը շուրջ 30 տոկոսով բարձրացել են:
«Իրականում դա շատ կարևոր էր մեզ համար: Վարչապետի ու Կառավարության մոտեցումն այն է, որը, կարծում եմ, աջակցություն կստանա նաև Ազգային ժողովում, որ ԱԱԾ-ի և առհասարակ իրավապահ համակարգի աշխատակիցների աշխատավարձերը մշտական աճի միտում կունենան»,- հավելեց ԱԱԾ տնօրենը:
Մանրամասները՝ տեսանյութում:
Մհեր Արշակյան
