13.08.2026 | 13:07
Ադրբեջանցի մասնագետները 2025 թվականի սեպտեմբերին են ՀՀ տարածքում ուսումնասիրություն իրականացրել. Փաշինյան. ՏԵՍԱՆՅՈՒԹ
Մանվել Գրիգորյանի մոտ չի հայտնաբերվել որևէ հիվանդություն, որը դասվում է պատիժը կրելուն խոչընդոտող հիվանդությունների շարքին. ՀՔԾ
Հասարակություն
21.03.2019 | 12:28
Հատուկ քննչական ծառայությունից տեղեկացնում են, որ գեներալ Մանվել Գրիգորյանի վերաբերյալ քրգործով նշանակվել են առաջնային ու միջգերատեսչական համալիր դատաբժշկական հանձնաժողովային փորձաքննություններ:
«Երկու փորձաքննությունների՝ թե´առաջնային և թե´հանձնաժողովային եզրակացություններով Մանվել Գրիգորյանի մոտ չի հայտնաբերվել որևէ հիվանդություն, որը ՀՀ կառավարության համապատասխան որոշմամբ դասվում է պատիժը կրելուն խոչընդոտող հիվանդությունների շարքին», – factor.am-ի հետ զրույցում ասաց ՀՔԾ մամուլի խոսնակ Մարիա Օհանջանյանը:
Նշենք, որ Մանվել Գրիգորյանի փաստաբանները երկու օր առաջ՝ մարտի 19-ին, դիմել էին դատարան՝ միջնորդելով Գրիգորյանին ազատ արձակել գրավի դիմաց։
Հիշեցնենք, որ Մանվել Գրիգորյանը մեղադրվում է ապօրինի կերպով զենք-զինամթերք պահելու, 101.232.917 ՀՀ դրամի գույք յուրացնելու, 1.228.176.342 ՀՀ դրամի հարկերի վճարումից խուսափելու, պետական միջոցներից 1.225.003.300 ՀՀ դրամ վատնելու և շորթմամբ 37․101․100 ՀՀ դրամ արժողությամբ գույքի հափշտակությունը կազմակերպելու համար:
