28.04.2026 | 13:07
Բացահայտվել է 125 հանցագործություն, որոնցից 4-ը՝ նախկինում կատարված
ՀՀԿ-ական նախկին պատգամավոր ու նախկին դեսպան Մանվել Բադեյանին պատկանող ընկերությունը հարկային արտոնություն ստացավ․ ՏԵՍԱՆՅՈՒԹ
Քաղաքականություն
21.03.2019 | 13:18
Կառավարության մարտի 21-ի նիստում գործադիրը հարկային արտոնություն տվեց «Եվրոստան Ույուտ» սահմանափակ պատասխանատվությամբ ընկերությանը՝ գերակա ոլորտում իրականացվող ներդրումային ծրագիր իրականացնելու համար։
Ընկերությունը նախատեսում է ստացած հարկային արտոնությամբ 700 մլն ՀՀ դրամի ներդրում կատարել:
Նախատեսվում է ներդրումային ծրագրի շրջանակում ստեղծել 40 նոր աշխատատեղ՝ 260 000 ՀՀ դրամ միջին աշխատավարձով։
Ծրագրով նախատեսված արտադրանքի ընդհանուր ծավալը կկազմի 19 մլրդ ՀՀ դրամ, որից 13 մլրդ 300 մլն ՀՀ դրամի արտադրանքը կիրացվի ՀՀ տարածքում, 1 մլրդ 900 մլն ՀՀ դրամի արտադրանքը՝ ԵՏՄ անդամ երկրների տարածքում, 3 մլրդ 800 մլն ՀՀ դրամի արտադրանքը՝ երրորդ երկրների տարածքում։
Արտոնություն ստանալու համար ներկայացված ապրանքների արժեքը կազմում է 5 մլրդ 890 մլն ՀՀ դրամ։
Մաքսատուրքի ազատման արտոնությունը կազմում է 605 մլն ՀՀ դրամ:
Հիշեցնենք, որ «Եվրոստան Ույուտ» ընկերությունը պատկանում է Ազգային ժողովի նախկին պատգամավոր (ՀՀԿ) և Քուվեյթի Պետությունում ՀՀ նախկին դեսպան Մանվել Բադեյանին։
Մանրամասները՝ տեսանյութում։
Աղավնի Սուքիասյան
