29.06.2026 | 11:55
Հովակիմյանին էլ ՔՊ-ի հետ են շփոթում. Վարդևանյանը` իրեն «Հայաստան»-ի ներկայացուցչի հետ շփոթելու մասին․ ՏԵՍԱՆՅՈՒԹ
«Ես տուժող չեմ». Գագիկ Ծառուկյանի թիկնազորի նախկին պետի գործով առաջին նիստը շարունակվում է
Հասարակություն
21.03.2019 | 10:42
Երևանի ընդհանուր իրավասության դատարանում` Մեսրոպ Մակյանի նախագահությամբ ընթանում է ԱԺ «Բարգավաճ Հայաստան» խմբակցության պատգամավոր Էդուարդ Բաբայանի գործով առաջին դատական նիստը:
Նա նախքան դատական դահլիճ ներս մտնելը հայտարարեց, որ չի ընդունում իրեն առաջադրված մեղադրանքը: Բաբայանն ասաց, որ իր խնամքի տակ ունի երեք երեխա, որոնք չափահաս են:
Տուժող կողմն առարկեց, որպեսզի լրատվամիջոցները տեսանկարահանեն դատական նիստի ընթացքը: Մյուս կողմերը չառարկեցին, դատարանը որոշեց լրատվամիջոցներին թույլ տալ միայն դատական նիստի առաջին հինգ րոպեն տեսանկարահանել, մնացած հատվածը միայն ձայնագրել:
Տուժող Վյաչեսլավ Հարությունովը ի պատասխան դատարանի՝ «տուժող, ներկայացե՛ք» հորդորին ասաց, որ ինքն իրեն տուժող չի ճանաչում: Դատարանը պատասխանեց, որ Վյաչելսավ Հարությունովը տուժող է ճանաչվել նախաքննական մարմնի կողմից:
Հիշեցնենք, որ Էդուարդ Բաբայանը մեղադրվում է 50-ամյա Վյաչեսլավ Հարությունովի առողջությանը դիտավորությամբ ծանր վնաս պատճառելու համար: Դեպքը տեղի էր ունեցել 2018 թ. հուլիսի 2-ին: Բաբայանը կալանավորվեց, ապա օգոստոսի 21-ին 20 մլն դրամ գրավի դիմաց ազատ արձակվեց։
Լիլիթ Շաբոյան
