16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Համապետական մաքրության օրը 339 աղբանոցից կփակվի 6-ը. Սուրեն Պապիկյան․ ՏԵՍԱՆՅՈՒԹ
Քաղաքականություն
20.03.2019 | 11:05
Տարածքային կառավարման և զարգացման նախարար Սուրեն Պապիկյանն այսօր՝ մարտի 20-ին հրավիրված մամուլի ասուլիսի ժամանակ անդրադառնալով մարտի 23-ին կազմակերպվելիք համապետական առաջին շաբաթօրյակին, նշեց, որ դրան ակնկալվում է, որ մասնակցելու է 125-150 հազար քաղաքացի, այդ օրը կաշխատի 1700 միավոր տեխնիկա, կփակվի 6 աղբանոց և շուրջ 447 աղբակույտ:
«Հայաստանում կա 339 աղբանոց, որոնցից ոչ մեկը չի համապատասխանում միջազգային ստանդարտներին: Սրանք լոկալ աղբանոցներ են, հաճախ փորված են համայնքապետի հայեցողությամբ, երբեմն ծածկվում են, երբեմն՝ ոչ: Իհարկե, կան նաև սովորույթով հաստատված աղբանոցներ, որոնք մոտակա ձորակներն են և բոլոր հնարավոր տեղերը որոնք աչքից հեռու են և այնտեղ հնարավոր է թաքցնել աղբը»,- ասաց նախարարը՝ հավելելով, որ յուրաքանչյուր ամիս ունենալու ենք շաբաթօրյակներ, որով փորձ է արվելու նոր որակ և մտածողություն հաղորդել քաղաքացիներին։
Ըստ Պապիկյանի՝ Կառավարությունն ուսումնասիրություն է սկսել աղբի կառուցվածքի հետ կապված, այդ ուսումնասիրությունը կատարելու է բրիտանական մի ընկերություն և փորձելու են հասկանալ, թե մեր երկրում տարեկան ինչ քանակի աղբ է կուտակվում:
«Սրանից ելնելով էլ մենք կկարողանանք աղբահանության ոլորտում ներդրումներ կատարելու ցանկություն ունեցող գործընկերներին ներկայացնել իրական պատկերը»,- ասաց Պապիկյանը:
Մանրամասները՝ տեսանյութում։
Աղավնի Սուքիասյան
