17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
ԵՄ պաշտոնյան Թուրքիայի համար վիզաների ազատականացման թեմայով հայտարարություն է արել
Քաղաքականություն
19.03.2019 | 22:45
Եվրամիության (ԵՄ) Թուրքիայի պատվիրակության նախագահ, դեսպան Քրիստիան Բերգերը մասնակցել է Ադանայում կայացած «ԵՄ-Թուրքիա հարաբերությունների վերջին զարգացումները և դրանց ազդեցությունը բիզնես ոլորտի վրա» խորագրով կոնֆերանսին. փոխանցում է ermenihaber-ը:
Բերգերը հիշեցրել է, որ Եվրոպական խորհրդարանն օրեր առաջ միաձայն ընդունել է Թուրքիայի հետ բանակցությունների առկախման կոչ անող զեկույցը։
ԵՄ պաշտոնյան ընդգծել է, որ այդ որոշումը միայն առաջարկի բնույթ է կրում, բացի այդ, դրանով առաջարկվում է ոչ թե լիովին վերջ դնել Թուրքիայի եվրաանդամակցության բանակցություններին, այլ ընդամենը ժամանակավորապես դադարեցնել դրանք։
«Սակայն մենք ցանկանում ենք ակտիվ պահել Թուրքիայի եվրոպական հեռանկարներն ու անդամակցության գործընթացը։ Սա կարևոր մոտիվացիա կարող է լինել՝ հատկապես Թուրքիայի կողմից տնտեսության ոլորտում իրականացված բարեփոխումների տեսանկյունից», – ասել է Բերգերը։
Եվրոպացի պաշտոնյան հավելել է, որ Թուրքիայի հետ վիզաների ազատականացման վերաբերյալ բանակցությունները շարունակվում են։ «Դեռ որոշ անելիքներ կան։ Այդ տեխնիկական հարցերը կարգավորելուց հետո հնարավոր կլինի խոսել վիզաների ազատականացման մասին»,- նշել Թուրքիայի պատվիրակության նախագահը։
