Տեսանյութեր
19.03.2019 | 15:26Ես հիմա շրջում եմ այն մեքենայով, որը 2008 թվականին գնվել է Սերժ Սարգսյանի համար: Մարտի 19-ին հրավիրված մամուլի ասուլիսում ասաց ՀՀ վարչապետ Նիկոլ Փաշինյանը՝ հավելելով, որ այն վերջին տարիներին չի օգտագործվել, քանի որ համարվել է, որ պիտանի չէ օգտագործման համար:
«Կա մի հատ էլ BMW ավտոմեքենա, որը գնվել է Ռոբերտ Քոչարյանի համար 2004 թվականին: Հիմա՝ հեծանիվով եմ գնում գործի, ասում են՝ հեծանիվով է գնում, ոտքով եմ գնում, ասում են՝ պոպուլիստ է»,- կատակեց Փաշինյանը:
Ինչ վերաբերում է ուղղաթիռին, Նիկոլ Փաշինյանի խոսքով՝ դա վարչապետի ծառայողական ուղղաթիռն է, որը պարտադիր թռիչքային ժամեր ունի. «Սա նշանակում է, որ այդ տեխնիկան որպեսզի չվերածվի մետաղի ջարդոնի, եթե նույնիսկ վարչապետը չի նստում, այդ ուղղաթիռը պարտավոր է բարձրանալ, գնալ՝ Ստեփանակերտով, Վարդենիսով պտտվել, գալ, որովհետև տեխնիկական կանոնակարգերի մեջ պարտադիր թռիչքային ժամեր գոյություն ունեն»:
Մանրամասները՝ տեսանյութում:
Նարեկ Կիրակոսյան
