15.01.2025 | 02:30
Միրզոյանն ու Բլինքենը նաև քննարկել են ՀՀ-ԵՄ գործընկերության խորացմանը միտված գործընթացը
Պետական կառույցներ կան, որտեղ կոռուպցիայի լոբբինգն են անում. Փաշինյանը՝ ապօրինի հարստացածների մասին. ՏԵՍԱՆՅՈՒԹ
Հասարակություն
19.03.2019 | 15:00
Առանց մեղադրական եզրակացության գույքի բռնագանձման մեխանիզմը ներդնելը Հայաստանի միջազգային պարտավորությունն է, և այդ պարտավորությունն արձանագրված է ՄԱԿ-ի և եվրոպական որոշ կառույցների Հայաստանի հետ ունեցած հարաբերություններում. այս մասին հրավիրված մամուլի ասուլիսի ժամանակ հայտարարեց վարչապետ Նիկոլ Փաշինյանը:
«Մարդու իրավունքների եվրոպական դատարանն ունի վճիռներ, որտեղ հստակ ձևակերպել է առանց մեղադրական դատավճռի գույքի բռնագանձման մեխանիզմի մասին իր կարծիքը և արձանագրել է, որ դա լիարժեքորեն համապատասխանում է Մարդու իրավունքների եվրոպական կոնվենցիային: Այստեղ այդ մեխանիզմի համապատասխանության հետ կապված որևէ հարց չի կարող լինել, դա միջազգայնորեն ընդունված պրակտիկա է, ՄԻԵԴ-ի մակարդակով ճանաչված գործիք է, որը կարող է կիրառվել»,- ասաց նա:
Վարչապետի խոսքով` նույնիսկ փաստաթղթեր կան, որտեղ դեռևս 2015 թվականին են Հայաստանի միջազգային գործընկերները «ռեկոմենդացիա» արել, որ այդ մեխանիզմը Հայաստանում ներդրվի: «Մենք հիմա աշխատում ենք այդ ուղղությամբ: Հիմա պետական որոշ մարմիններ կան, որ իբր ինչ-որ փաստարկներով ուզում են այդ գործողություններն արգելակել»,-ասաց նա:
Մանրամասները՝ տեսանյութում:
Նարեկ Կիրակոսյան
