17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Ես այն կարծիքին չեմ, որ խորհրդարանական համակարգը պետք է փոխարինվի նախագահականով. Նիկոլ Փաշինյան. ՏԵՍԱՆՅՈՒԹ
Քաղաքականություն
19.03.2019 | 14:50
Ես այն կարծիքին չեմ, որ մենք հիմա խորհրդարանական համակարգը նախագահական համակարգով փոխարինելու խնդիր ունենք, որովհետև մեկ տարի էլ դեռ չի անցել, երբ մենք մուտք ենք գործել խորհրդարանական կառավարման համակարգ և դեռ պետք է հասկանանք այս համակարգն իրենից ինչ է ներկայացնում, որից հետո նոր կարող ենք հետևություններ անել։ Այս մասին այսօր հրավիրված մամուլի ասուլիսի ժամանակ, անդրադառնալով կառավարման համակարգի փոփոխության անհրաժեշտության մասին մեկնաբանություններին, ասաց ՀՀ վարչապետ նիկոլ Փոաշինյանը։
«Ես հիմա չէի ուզենա որևէ կանխորոշում կամ հայտարարություն անել, սակայն իմ կարծիքն այն է, որ մենք կառավարման համակարգը փոխելու անհրաժեշտություն չունենք, քանի դեռ դրա համար չունենք փաստարկ: Հաջորդ պահին գուցե լինի փաստարկ և պարզվի, որ այն շատ ծանրակշիռ է, որ ներկաներս բոլորս պետք է դրա հետ հաշվի նստենք, սակայն ես դեռ նման կարծիք չեմ լսել։ Այս պահին մենք պետք է ավելի շատ կենտրոնանանք տնտեսական հեղափոխության և ոչ թե Սահմանադրական փոփոխությունների վրա»,- ասաց Փաշինյանը։
Մանրամասները՝ տեսանյութում։
Նարեկ Կիրակոսյան
