28.09.2026 | 12:10
Թաթան կոպիտ սխալ է որակել սեպտեմբերի 27-ին համերգ ցուցադրելը // Պապիկյանն անակնկալ զորամաս է այցելել․ ԼՈՒՐԵՐ
Հայաստանում հասունացող դժգոհության ալիք չկա. Նիկոլ Փաշինյան. ՏԵՍԱՆՅՈՒԹ
Քաղաքականություն
19.03.2019 | 14:37
Հայաստանում հասունացող դժգոհության ալիք չկա, ես սա ասում եմ որպես արձանագրում, և մենք առաջիկա հինգ տարիներին կտեսնենք ՀՀ-ում հասունացող դժգոհության ալիք կա՞, թե՞ չկա։ Այս մասին այսօր հրավիրված մամուլի ասուլիսի ժամանակ ասաց ՀՀ վարչապետ Նիկոլ Փաշինյանը։
Վերջինս նշեց, որ 24 տարի շարունակ ՀՀ-ն ամեն ընտրությունից հետո ստանում էր թուքումուր, բայց հիմա որևէ մեկը չասաց, թե այդ ի՞նչ կախարդական փայտիկ էր, որ մի գործողության արդյունքում ՀՀ-ում անցկացվեց վերջին ընտրությունը, որը նրանք համարում են ազատ, արդար և թափանցիկ ընտրություններ։
Փաշինյանը նաև նշեց, որ չի հասկանում այն լրագրողներին, որոնք ընտրություններից երեք ամիս անց հարցնում են՝ արդոք իրենց վարկանիշի վերաբերյալ մոնիթորինգ անում են, թե՝ ոչ։ «Եթե հիմա էլի ընտրություններ տեղի ունենան, ես համոզված եմ, որ «Իմ քայլը» դաշինքը կարող է ավելի մեծ տոկոսով հաղթել»,- նշեց Փաշինյանը՝ հավելելով, որ ՀՀ-ում երբեք ներքաղաքական իրավիճակն ավելի կայուն չի եղել անկախությունից ի վեր, քան այսօր։
«Սա ոչ թե ռեպրեսիվ, այլ ժողովրդավարական կայունություն է»,- նկատեց վարչապետը։
Մանրամասները՝ տեսանյութում։
Նարեկ Կիրակոսյան
