Մենք խնդրել ենք, որ Էդվարդ Նալբանդյանը գա և մեզ տեղեկություններ փոխանցի. Նիկոլ Փաշինյան. ՏԵՍԱՆՅՈՒԹ

Վարչապետ Նիկոլ Փաշինյանն այսօր հրավիրված մամուլի ասուլիսի ժամանակ անդրադառնալով Արցախում ՀՀ և ԱՀ Անվտանգության խորհուրդների նիստում իր ելույթի այն կետին, որ առաջիկայում պետք է կարևոր նպատակ լինի 3 հիմնական սկզբունքների և 6 տարրերի պարզաբանումը, նշեց՝ «որպեսզի հասկանանք, թե ինչ վերաբերմունք ունենք այդ սկզբունքների նկատմամբ, նախ պետք է հասկանալ, թե ինչ  են դրանք նշանակում»։

«Մենք ունենք տեքստ և ունենք այդ տեքստի տասնյակ մեկնաբանություններ, ընդ որում՝ դրանք արվում են պետական մակարդակով։ Պետք է հիմա հասկանանք, թե դրանցից որո՞նց վրա հիմնվելով ենք հետագայում բանակցելու, որովհետև այն մեկնաբանությունները, որոնք անում է Ադրբեջանը, մեզ համար անընդունելի են։ Մենք ուզում ենք, որ համանախագահները, Ադրբեջանի, Հայաստանի և Արցախի ներկայացուցիչները բացատրեն, թե այդ կետերը ինչ կարող են նշանակել գործնականում»,- ասաց Փաշինյանը։

Վարչապետի փոխանցմամբ՝  ինքը հանդիպում է ունեցել Արտաքին գործերի նախարարությունում և խնդրել նախկին ԱԳ նախարարին գալ և տեղեկություն տրամադրել խնդրի վերաբերյալ։

«Վարչապետ ընտրվելուց հետո արտաքին գործերի նախարարի հետ հանդիպում ենք ունեցել նախկին նախարար Էդվարդ Նալբանդյանի հետ և խնդրել էինք, որ ինքը գա և որոշակի տեղեկություններ հաղորդի և էս գործընթացը շարունակվում է»,- իր խոսքերով գաղտնիք բացեց Փաշինյանը՝ նշելով, որ բանակցային սեղանի շուրջ որպես նոր մարդ բազմաթիվ հարցեր ունի, որոնք պարբերաբար հղում է։

Մանրամասները՝ տեսանյութում։

Նարեկ Կիրակոսյան