02.07.2026 | 12:36
ՌԴ-ն Ուկրաինայի դեմ 74 հրթիռ և շուրջ 500 ԱԹՍ է կիրառել․ Կիևում զոհերի թիվը հասել է 13-ի
Նիկոլ Փաշինյանը նշեց, թե երբ կմեղմացնեն կարծր դիրքորոշումն արցախյան հարցի շուրջ․ ՏԵՍԱՆՅՈՒԹ
Քաղաքականություն
19.03.2019 | 13:16
Վարչապետ Նիկոլ Փաշինյանն այն համոզմանն է, որ արցախյան հարցի վերաբերյալ դիվանագիտական շփումները և գործընթացները պետք է հետևողականորեն շարունակեն, իսկ խնդրի վերաբերյալ այն, ինչ ասվում է՝ նորություն չէ ո՛չ Մինսկի խմբի համանախագահների, ո՛չ էլ Ադրբեջանի համար։
«Դա նույն օրակարգն է, ինչը ձևավորվել է 2018 թվականի մայիսին, ինչը մենք շարունակում ենք։ Մենք այս թեմայով քննարկումները շարունակելու ենք մեր գործընկերների հետ և փորձելու ենք այն շարունակել փաստարկների դաշտում։ Հայաստանը ցուցաբերել է այդ ընդունակությունը՝ լսել և հասկանալ դիմացինին և նույնը ակնկալում ենք դիմացինից։ Այնտեղ, որտեղ մեր գործընկերները համարում են, որ մեր դիրքորոշումները կարող են գնահատվել չափից շատ կարծր, կարող ենք մեղմացնել, բայց դա ակնկալում ենք մեր գործընկերներից»,- այսօր հրավիրված մամուլի ասուլիսի ժամանակ, անդրադառնալով Արցախի խնդրի վերաբերյալ բանակցային գործընթացին, ասաց վարչապետը։
Վերջինս նշեց, որ 2018 թվականի մայիսին և՛ Ազգային ժողովում, և՛ դրանից հետո Ստեփանակերտում արել է հայտարարություններ, որոնք ոչ թե մարտահրավերներ են, այլ՝ երկխոսության հրավերներ։
«Այդ երկխոսությունը սկսել է Դուշանբեում, շարունակվել Սանկտ Պետերբուրգում ու Դավոսում։ Մենք չենք պատկերացնում մի ռեժիմ, երբ կողմերից մեկն ասի՝ ես երկխոսությունից հրաժարվում եմ։ Մենք սեղանին կդնենք մեր փաստարկները և ուշադիր կլսենք մեր գործընկերների հակափաստարկները»,- շեշտեց վարչապետը։
Մանրամասները՝ տեսանյութում։
Նարեկ Կիրակոսյան
