28.04.2026 | 17:17
Վահագն Խաչատուրյանն ընդունել է Էստոնիայի Ռիյգիկոգուի Էստոնիա-Հայաստան խորհրդարանական բարեկամական խմբի անդամներին
Ես բացառում եմ, որ կառավարության ավելի մեծ քննադատ լինի, քան ես եմ․ Նիկոլ Փաշինյանը՝ անձի երկվության մասին հարցին ի պատասխան. ՏԵՍԱՆՅՈՒԹ
Քաղաքականություն
19.03.2019 | 12:42
ԵՄ մեր գործընկերների հետ հանդիպման ժամանակ հայտարարել ենք Կառավարության 13 ծրագրերի մասին, դրանք վերաբերում են և՛ ջրամբարաշինությանը, և՛ ենթակառուցվածքների զարգացմանը, և՛ էներգետիկ համակարգի զարգացմանը, ինչպես նաև կրթության, դատաիրավական, հարկային համակարգում բարեփոխումների իրականացմանը։
Ըստ վարչապետի՝ ԵՄ մեր գործընկերների հետ արձանագրել են՝ պատրաստակամ են տարբեր ոլորտներում բարեփոխումներ իրականացնել, սակայն այդ ծրագրերի ֆինանսավորումը ամբողջությամբ՝ 100 տոկոսով չեն կարող իրականացվել ԵՄ աջակցությամբ․ դրանց պարտադիր պետք է մասնացի նաև Հայաստանը։
«ԵՄ մեր գործընկերները նշել են, որ կարող են այդ բարեփոխումների իրականացման համար գրանտային ծրագրեր իրականացնել, իսկ ֆինանսավորման մի մասը Հայաստանն արդեն պետք է իրականացնի, իսկ մենք դա կարող ենք անել արտաքին միջոցների ներգրավմամբ, ինչը մեծացնելու է արտաքին պարտքը»,- մանրամասնեց Փաշինյանը։
Անդրադառնալով լրագրողի հարցին, եթե այսօր ինքը ընդդիմություն լիներ, իր կողմից արված ո՞ր քայլը կքննադատեր, Փաշինյանը պատասխանեց․ «Ես բացառում եմ, որ Հայաստանում կառավարության և անձամբ իմ գործունեության ավելի մեծ քննադատ լինի, քան ես եմ»։
Մանրամասները՝ տեսանյութում։
Նարեկ Կիրկոսյան
