14.12.2024 | 14:42
Թողարկվելու է մաեստրո Տիգրան Մանսուրյանի կինոերաժշտության ալբոմը
Նիկոլ Փաշինյանը՝ այն մասին, թե ինչու է դեռ օգոստոսի 17-ին հայտարարել, որ Մարտի 1-ի գործը բացահայտված է․ ՏԵՍԱՆՅՈՒԹ
Քաղաքականություն
19.03.2019 | 12:51
Վարչապետ Նիկոլ Փաշինյանն այսօր հրավիրված մամուլի ասուլիսի ժամանակ, անդրադառնալով 2-րդ նախագահ Ռոբերտ Քոչարյանի կողմից իր նկատմամբ հարուցված քրեական գործը հետապնդում և հաշվեհարդար դիտարկելուն, ասաց․ «Մեր ընդհանուր խնդիրն այն է, որ մենք ունենանք այնպիսի դատարան, որ և՛ Ռոբերտ Քոչարյանի հարցը, և՛ պայմանական քաղաքացու կողմից ներկայացված հայցը քննարկվի իսկապես օրինականության և օբյեկտիվության շրջանակներում․ ես և մեր Կառավարությունը 100 տոկոսով հավատարիմ ենք այդ քաղաքականությանը։ Ինչ վերաբերում է հաշվեհարդարին, ապա կարծում եմ, որ դա անհամատեղելի բառապաշար է, անհամատեղելի է մի կառավարության նկատմամբ, որը եկել է սիրո և համերաշխության հեղափոխությամբ։ Եթե հաշվեհարդարի տրամադրություն լիներ, շատ կարճ և կոնկրետ հաշվեհարդարների և՛ ժամանակը կար, և՛ հնարավորությունը»:
Փաշինյանը խորհուրդ տվեց ցանկացած գործ չդիտարկել անձնական պատկերացումների շրջանակում։
Հարցին՝ արդյոք հնարավո՞ր է նոր քրեական գործ հարուցվի Մարտի 1-ի սպանությունների բացահայտման համար, վարչապետը նշեց, որ նոր քրեական գործ հարուցելու անհրաժեշտություն չկա, քանի որ մենք արդեն իսկ նման գործ ունենք հարուցված։
«Մարտի 1-ի պարկուճները փոխվել են, կրակված պարկուճները փոխվել են, ինչո՞ւ, որովհետև այդ պարկուճների փորձաքննությունը կարող էր տալ շատ հարցերի պատասխաններ՝ այդ թվում և սպանությունների կատարողներին բացահայտելով»,- ասաց Փաշինյանը՝ հիշեցնելով, որ հենց այս շեշտադրումով է օգոստոսի 17-ին հայտարարել, որ Մարտի 1-ի գործը բացահայտված է։
Մանրամասները՝ տեսանյութում։
Նարեկ Կիրակոսյան
