02.07.2026 | 17:43
ՌԴ-ից երկու ռուֆերներ բարձրացել են Նյու Յորքի Empire State Building-ի վրա և այնտեղ նշանվել․ ՏԵՍԱՆՅՈՒԹ
Ակնաղբյուրի համայնքապետարանում անասնաբույժի ստորագրությունը կեղծելու համար քրգործ է հարուցվել. ՀՔԱՎ
Հասարակություն
19.03.2019 | 12:12
ՀՔԱՎ-ից տեղեկացնում են, որ Տավուշի մարզի Ակնաղբյուր համայնքի ղեկավարի թեկնածուի անօրինական գործողությունների վերաբերյալ ՀՔԱ Վանաձորի գրասենյակի հանցագործության մասին հաղորդման հիման վրա 2019թ․ փետրվարի 26-ին հարուցվել է քրեական գործ։
«ՀՔԱ Վանաձորի գրասենյակը Տավուշի մարզի դատախազություն հանցագործության մասին հաղորդում էր ներկայացրել 2019 թ․ փետրվարի 14-ին, երբ տեղեկություններ էր ստացել այն մասին, որ Ակնաղբյուրի այդ պահին գործող ղեկավարը, որը նաև համայնքի ղեկավարի թեկնածու էր, չարաշահում է վարչական ռեսուրսները, բնակիչներին խոստումներ տալիս և իրականությանը չհամապատասխանող տեղեկանքներ տրամադրում:
Մեր տեղեկություններով՝ այդ տեղեկանքների վրա դրված է եղել համայնքի անասնաբույժի ստորագրությունը, երբ վերջինս հիվանդանոցում է եղել և չէր կարող ստորագրել»,- ասված է ՀՔԱՎ հաղորդագրությունում:
