09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Անցումային արդարադատության նպատակը լինելու է հասարակության հաշտեցումը. Արտակ Զեյնալյան. ՏԵՍԱՆՅՈՒԹ
Հասարակություն
19.03.2019 | 11:56
ԲՀԿ խմբակցության պատգամավոր Գևորգ Պետրոսյանը ՀՀ Ազգային ժողովի պետաիրավական մշտական հանձնաժողովի մարտի 19-ի նիստում արդարադատության նախարար Արտակ Զեյնալյանից հետաքրքրվեց՝ ի վերջո ի՞նչ է անցումային արդարադատությունը:
«Կառավարության ծրագրում անցումային արդարադատության վերաբերյալ մեկ բառ անգամ չկա, բայց ուր գնում ես, որ լրագրողի հետ հանդիպում ես, խոսում են անցումային արդարադատության մասին: Այդ ի՞նչ հասկացություն է, որ գցել են շրջանառության մեջ, բայց ոչ ոք չի հասկանում՝ ինչ է դա, և եթե օրակարգային հարց է, ինչո՞ւ տեղ չի գտել Կառավարության ծրագրում»,- հարցրեց պատգամավորը:
Արտակ Զեյնալյանը նշեց, որ անցումային արդարադատության նպատակը լինելու է հասարակության հաշտեցումը, իրավունքների վերականգնումը:
«Ես մի քանի անգամ, տպավորիչ լինելու համար, նաև ասել եմ, որ այն չի լինելու դատավորների դատարան: Այս պահի դրությամբ սա ուսումնասիրության փուլում է գտնվում: Կան միջազգային փաստաթղթեր, կա միջազգային փորձ, ուսումնասիրում ենք դրանք, սակայն կարող եմ ասել նաև, որ անցումային արդարադատության տարր կարող է դիտարկվել վարչական և քրեական համաներումը, որն իրականացրել ենք Հայաստանում»,- պարզաբանեց արդարադատության նախարարը:
Մանրամասները՝ տեսանյութում:
Մհեր Արշակյան
