23.04.2026 | 15:59
Սլովակիան հաստատել է «Դրուժբա»-ով նավթի մատակարարումների վերսկսումը
Մենք ՔԿՀ-ներում առձեռն փողի շրջանառություն վաղուց չենք նկատում. Արտակ Զեյնալյան. ՏԵՍԱՆՅՈՒԹ
Հասարակություն
19.03.2019 | 11:34
Քրեական ենթամշակույթի դեմ պայքարի համատեքստում աշխարհում ընդունվել են օրենքներ, որոնք քրեականացնում են այս մշակույթը, այս համակարգին անդամակցությունը, և մենք վերցրել ենք այդ դրական փորձը: Մարտի 19-ին Ազգային ժողովի պետաիրավական հարցերի մշտական հանձնաժողովի նիստում այս մասին ասաց ՀՀ արդարադատության նախարար Արտակ Զեյնալյանը:
«Նախագծել ենք օրենք դեռևս անցած տարվա հուլիս-օգոստոսին, դրել շրջանառության մեջ, սակայն ԱԺ-ի ցրվելու հետ կապված կիսատ է մնացել: Հիմա նորից դրել ենք շրջանառության մեջ»,- հավելեց նա:
Բացի այդ, ըստ նախարարի, գործուն քայլեր են իրականացվել այս համակարգի դեմ պայքարում. «Դրա ազդեցությունն էականորեն նվազել է: Մենք քրեակատարողական հիմնարկներում առձեռն փողի շրջանառություն վաղուց արդեն չենք նկատում: Ամեն ինչ արել ենք, որպեսզի դա տեղի չունենա՝ հարկադրաբար խաղալ կամ չխաղալու համար տուրք վճարել և այլն: Սա վերացրել ենք»:
Արտակ Զեյնալյանի տեղեկացմամբ՝ քրեակատարողական համակարգի բարեփոխումների համատեքստում նաև դատապարտյալի աշխատելու խթանման մեխանիզմներ են ներդրվելու:
«Գիտեք, որ դա հակասության մեջ է գողականության հետ, բայց անձը պետք է իմանա, որ աշխատանքի դեպքում կարող է ակնկալել պայմանական վաղաժամկետ ազատում: Եվ այս մեխանիզմը նաև պայմանական վաղաժամկետ ազատ արձակումից հետո որոշ ժամանակ անձին կապահովի աշխատանքով և կհարստացնի, կմաքրի նրա թղթապանակը»,- նշեց Զեյնալյանը:
Մանրամասները՝ տեսանյութում:
Մհեր Արշակյան
