23.07.2026 | 23:28
Կապանը` ԱՊՀ 2026 թվականի երիտասարդական մայրաքաղաք
Լևոն Երանոսյանի գործով Նիկոլ Փաշինյանին և Վալերի Օսիպյանին հարցաքննելու՝ պաշտպանի միջնորդությունը ՀՔԾ-ն մերժել է
Հասարակություն
18.03.2019 | 17:42
Ոստիկանության զորքերի նախկին հրամանատար Լևոն Երանոսյանի գործով նրա պաշտպան Տիգրան Սաֆարյանը միջնորդել էր, որպեսզի հարցաքննվեն վարչապետ Նիկոլ Փաշինյանն ու ոստիկանապետ Վալերի Օսիպյանը, քանի որ նրանք հեղափոխության օրերին առանցքային դերերում են եղել։ Այս միջնորդությունը, սակայն, ՀՔԾ-ն մերժել է։ ՀՔԾ-ի որոշման դեմ պաշտպանը բողոք է ներկայացրել գլխավոր դատախազություն:
Այս մասին Factor.am-ի հետ զրույցում ասաց Տիգրան Սաֆարյանը։ Հիշեցնենք, որ Երանոսյանը մեղադրվում է ՀՀ քրեական օրենսգրքի 309-րդ հոդվածի 2-րդ և 3-րդ մասերով:
Ըստ մեղադրանքի՝ Երանոսյանը հատուկ միջոցների գործադրմամբ, դիտավորությամբ կատարել է այնպիսի գործողություններ, որոնք ակնհայտորեն դուրս են եկել իր լիազորությունների շրջանակից և էական վնաս են պատճառել քաղաքացիների իրավունքներին ու օրինական շահերին, ինչպես նաև անզգուշությամբ առաջացրել են ծանր հետևանքներ: Ըստ ՀՔԾ-ի՝ Երանոսյանը ապրիլի 16-ին Բաղրամյան պողոտայում և ապրիլի 22-ին Արցախի պողոտայի սկզբնամասում տեղի ունեցած դեպքերի ժամանակ հատուկ միջոցներ է կիրառել՝ դրա իրավասությունը չունենալով:
Լիլիթ Շաբոյան
