28.09.2026 | 10:25
Համլետ Մանուկյանը` World challenge cup-ի հաղթող, Արթուր Ավետիսյանը՝ արծաթե մեդալակիր. ՏԵՍԱՆՅՈՒԹ
Սամվել Բաբայանը ճիշտ կաներ աջակցեր մեզ՝ մեր պատկերացրած անձնավորությանն իշխանության բերելու հարցում․ Ժիրայր Սեֆիլյան․ ՏԵՍԱՆՅՈՒԹ
Քաղաքականություն
18.03.2019 | 15:55
«Քանի որ Արցախում ռեժիմի փոփոխություն տեղի չի ունեցել, ի տարբերություն երևանյան շրջանակների, և ինչպես նախկինում ասում էինք, թե Սերժ Սարգսյանի ռեժիմի օրոք ընտրություններով հնարավոր չէ ձերբազատվել ռեժիմից, ուստի նույն էլ այժմ ասում ենք Արցախի վերաբերյալ․ փորձելու ենք փոփոխություններ իրականացնել այնտեղ ոչ իշխանական ուժերի համախմբումով մինչև ընտրությունները»,- այս մասին այսօր հրավիրված մամուլի ասուլիսի ժամանակ ասաց «Սասնա Ծռեր» կուսակցության պատվավոր ներկայացուցիչ Ժիրայր Սեֆիլյանը՝ նշելով, որ այդ քայլերն իրականացնելուց հետո նոր հնարավոր է ժողովրդին հրավիրել Ստեփանակերտի հրապարակներ և ժողովրդի ճնշմամբ՝ մինչև 2020 թվականի ընտրությունները, պահանջել իշխանափոխություն։
«Սակայն, եթե չհասցրինք, 2020 թվականի ընտրությունների առիթը պետք է օգտագործենք նույն մոբիլիզացիան իրականացնելու համար, իսկ նախագահի թեկնածուի հետ կապված էլ չենք պնդում, որ նա պետք է պարտադիր լինի մեր կուսակցությունից։ Երևում են մարդիկ, որոնք, երբ ակտիվանան, կկարողանան համախմբել ոչ իշխանական բոլոր ուժերին»,- ասաց Սեֆիլյանը՝ նշելով, որ երևացող ուժերից որևէ մեկին չեն աջակցելու՝ այդ թվում և Սամվել Բաբայանին։
«Սամվել Բաբայանի ակտիվացումն Արցախում մենք ողջունել ենք, ասել ենք, որ որևէ շրջանակ իրավունք չունի խոչընդոտելու նրա քաղաքական գործողությունները, բայց հորդորել ենք, որ նա ճիշտ կաներ, որ աջակցեր մեր պատկերացրած նոր որակի անձնավորությանն իշխանության բերելու հարցում։ Չեմ բացառում, որ առաջիկայում մեր համագործակցությունն այդ համատեքստում ստացվի»,- ասաց Սեֆիլյանը։
Մանրամասները՝ տեսանյութում։
Աղավնի Սուքիասյան
