03.09.2026 | 22:40
Պետք է այնպես անենք, որ փրկարարի աշխատանքը մարդն ընկալի որպես իր կյանքի ճանապարհ. Փաշինյան
Իրանը հայտարարել է, որ Թուրքիայի հետ համատեղ գործողության է իրականացնելու սահմանին
Քաղաքականություն
18.03.2019 | 11:29
Իրանի ներքին գործերի փոխնախարար Հուսեյն Զուլֆիքարը հայտարարել է թուրք-իրանական սահմանային գոտում համատեղ գործողություն իրականացնելու մասին. գրում է ermenihaber.-ը:
Նշել է, որ Իրանն ու Թուրքիան սահմանային վերահսկողության մակարդակը բարձրացնելու նպատակով արդյունավետ քայլեր են կատարում:
«Սահմանին համատեղ գործողություն ենք իրականացնելու: Ընդհանուր առմամբ սահմանին խնդիր չկա»,- նկատել է Զուլֆիքարը: Ճիշտ է, ուղղակիորեն չի մանրամասնել, թե համատեղ գործողությունն ում դեմ է, սակայն օրեր առաջ Թուրքիայի ներքին գործերի նախարար Սուլեյման Սոյլուն հայտարարել էր, որ գործողությունն ուղղված է լինելու «Քուրդիստանի բանվորական կուսակցության» (PKK-ՔԲԿ) զինյալների դեմ:
Մարտի 6-ին «Anadolu» պետական լրատվական գործակալությանը տված հարցազրույցում Սոյլուն մասնավորապես ասել էր. «Իրանի պատկան մարմինների հետ քննարկել ենք իրավիճակը: Միասին գործողություն ենք իրականացնելու ՔԲԿ-ի դեմ»:
