18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Բողոքի ակցիա Կառավարության շենքի առջև. ՈՒՂԻՂ
Տեսանյութեր
18.03.2019 | 10:08
Կառավարության շենքի դիմաց բողոքի ակցիա են անցկացնում գազավորված ըմպելիքներ արտադրող ընկերություններն ու դրանց աշխատակիցները:
«Ինչպես գիտեք, մարտի 11-ին ըմպելիք արտադրողները և սպառողները բողոքի ալիք բարձրացրեցին Կառավարության դիմաց՝ ակցիզի ներդրման դեմ։ Մեր բողոքը լսեց ֆինանսների նախարարի տեղակալ Արման Պողոսյանը և խոստացավ մեզ հաջորդ օրը տալ հարցի լուծման պատասխան։ Սակայն հաջորդ օրը չտվեց և միայն մարտի 15-ին մեր զանգին փոխնախարարը պատասխանեց, որ Կառավարությունը չունի մեր բողոքի լուծման տարբերակը՝ տեղափոխելով այս հարցը այլ գերատեսչություններ։
Մոտավորապես հասկացանք, որ որոշել են, այսպես կոչված, շաքարի հարկ հասկացությունը հանել և անունը դնել ուղղակի ըմպելիքի ակցիզային հարկ: Կարծում ենք, որ սա պատվերով ակցիզ է՝ կոնկրետ ուղղված հայկական արտադրանքի լիմոնադների դեմ: Պահանջելու ենք ՀՀ կառավարությունից պատասխանել՝ ինչո՞ւ հենց ըմպելիքները:
Քանզի լիմոնադի մառժան փոքր է, իսկ թանկացնելուց հետո 40% պակասելու է սպառումը և ոչ մի կերպ բյուջեի ճեղքը այս օրինագծով չի փակվելու, այլ ընդհակառակը՝ կտանի գործարանների սնանկացմանը և փակմանը, ապա գործ ունենք հակապետական և հակաժողովրդական ֆիննախի որոշման հետ։ Այս նախագծի կիրառումը կբերի ժողովրդի ըմբոստացմանն իշխանության դեմ, որն էլ, մեր կարծիքով, ուզում է ֆիննախը»,- ասված է տարածված հաղորդագրությունում:
