09.06.2026 | 00:17
Մարկո Ռուբիոն շնորհավորել է Փաշինյանին
Սիրիայում ոտնաթաթի վնասվածք ստացած հայ սակրավորը տեղափոխվել է Մոսկվա
Հասարակություն
16.03.2019 | 15:06
Մարտի 7-ին Սիրիայում ականային պատահարի հետևանքով ոտնաթաթի վնասվածք ստացած հայ սակրավորը մարտի 14-ի երեկոյան ռուսական ինքնաթիռով սիրիական հոսպիտալից տեղափոխվել է Մոսկվա։
Տեղեկությունը Factor.am-ի հետ զրույցում փոխանցեց «Հումանիտար ականազերծման և փորձագիտական կենտրոն» ՊՈԱԿ-ի հասարակայնության հետ կապերի գծով մասնագետ Նազելի Էլբակյանը:
«Նա գտնվում է Բուրդենկոյի անվան նյարդավիրաբուժական հիվանդանոցում՝ բարձր մակարդակի բուժօգնություն ստանալու համար, հետո կտեղափոխվի Հայաստան»,- ասաց Նազելի Էլբակյանը։
Նշենք, որ սակրավորի վիրավորման պատճառը հանդիսացել էր պլաստիկե իրանով ծուղակ ականը:
Հիշեցնենք, որ Սիրիայի ժողովրդին մարդասիրական մասնագիտական օժանդակություն ցուցաբերելու նպատակով փետրվարի 8-ին հումանիտար ականազերծողներից, բժիշկներից և նրանց անմիջական անվտանգությունն ապահովող հայ մասնագետներից բաղկացած խումբը (ընդհանուր՝ 83 անձ) մեկնել է Սիրիա՝ Հալեպ:
ՊՆ մամուլի խոսնակ Արծրուն Հովհաննիսյանը տեղեկացրել էր, որ Հայաստանի կողմից Սիրիայի ժողովրդին մարդասիրական մասնագիտական օժանդակություն ցուցաբերելու որոշումը կայացվել է` հաշվի առնելով Սիրիայում և հատկապես Հալեպ քաղաքում ռազմական գործողությունների հետևանքով ստեղծված հումանիտար ծանր վիճակը, ՄԱԿ-ի Անվտանգության խորհրդի բանաձևերը, սիրիական կողմի գրավոր խնդրանքները, ինչպես նաև Հալեպում մեծաթիվ հայկական համայնքի առկայությունը:
Նարեկ Կիրակոսյան
