17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Հեռախոսս են գողացել, ես շատ ջերմ հարաբերությունների մեջ եմ վարչական շրջանի ղեկավարի հետ. Արամ Մանուկյանը՝ ֆեյսբուքյան գրառման մասին
Հասարակություն
16.03.2019 | 10:14
Երեկ ուշ երեկոյան հայտնի ակտիվիստ, Աջափնյակ վարչական շրջանի ղեկավարի տեղակալ Արամ Մանուկյանը ֆեյսբուքի իր էջում գրառում էր կատարել՝ նշելով, որ աշխատանքից ազատվելու դիմում է գրելու: «Երկուշաբթի գրում եմ դիմումս։ Ցանկություն չունեմ աշխատելու անթասիբ ու անինքնասեր ղեկավարի տեղակալ»,- գրել էր նա։
Ապա կեսգիշերն անց ևս մեկ գրառում էր կատարել՝ բացատրելով, որ իր հեռախոսն են գողացել, ու փաստորեն ֆեյսբուքյան իր էջում արված գրառման հեղինակը ինքը չէ:
«Ժողովուրդ ջան հեռախոսս գողացել են։ Ես շատ լավ, շատ ջերմ հարաբերությունների մեջ եմ վարչական շրջանի ղեկավարի հետ։ Ներողություն եմ խնդրում թյուրիմացության համար։ Մեղավորները անպայման կպատժվեն»,- գրել է նա:
Ի դեպ, նշենք, որ այս պահին Արամ Մանուկյանի ֆեյսբուքյան էջը ապաակտիվացված է:
