23.07.2026 | 23:28
Կապանը` ԱՊՀ 2026 թվականի երիտասարդական մայրաքաղաք
Դատարանը բացառել է Ռոբերտ Քոչարյանի թաքնվելու հնարավորությունը. Արամ Օրբելյան. ՏԵՍԱՆՅՈՒԹ
Հասարակություն
15.03.2019 | 16:42
ՀՀ երկրորդ նախագահ Ռոբերտ Քոչարյանի պաշտպաններից Արամ Օրբելյանը նիստի ավարտից հետո լրագրողների հետ ճեպազրույցում ասաց, որ իրենք Քոչարյանի ազատ արձակման համար գրավի միջնորդություն էին ներկայացրել դատարան, որը սակայն մերժվել է։
Դատարանը բավարարել է միայն ՀՔԾ-ի միջնորդությունը՝ կալանքը ևս երկու ամսով երկարացնելու վերաբերյալ․ «Դատարանը նշեց, որ բացառել է թաքնվելու հնարավորությունը, այսինքն միակ հիմքը, ըստ էության, այն է, որ ռիսկային է գնահատվել գործի վրա ազդելու հնարավորությունը, և դատարանը գտել է, որ չկա հիմնավոր կասկած կաշառք ստանալու մասով»։
Պաշտպանը նաև նշեց, որ դատական ակտը բողոքարկվելու է, կներկայացնեն վերաքննիչ բողոք, միևնույն ժամանակ քննարկում են Եվրոպական դատարան ևս մեկ բողոք ներկայացնելու հարցը, քանի որ Վճռաբեկ դատարանը ողջամիտ ժամկետում որևէ անդրադարձ չի կատարել իրենց ներկայացրած բողոքին։
Մանրամասները՝ տեսանյութում։
Լիլիթ Շաբոյան
