16.01.2026 | 22:40
Ժաննա Անդրեասյանին շնորհվել է Մատենադարանի երախտագիտության մեդալ
Փաշինյան-Ալիև հանդիպման գնում ենք՝ Արցախում վարչապետի ելույթում հնչեցրած օրակարգով․ ԱԳ նախարար. ՏԵՍԱՆՅՈՒԹ
Քաղաքականություն
15.03.2019 | 15:27
Հայկական կողմը Նիկոլ Փաշինյան-Իլհամ Ալիև հանդիպման գնում է օրակարգով, որը շատ հստակ արտահայտված է վարչապետի՝ Ստեփանակերտում հնչեցրած ելույթում: Մարտի 15-ին ՀՀ Ազգային ժողովում խմբակցությունների հետ հանդիպումից հետո լրագրողների հետ զրույցում այս մասին ասաց ԱԳ նախարար Զոհրաբ Մնացականյանը:
«Այդ մոտեցումների շուրջ և այդ տրամաբանությամբ մենք ցանկանում ենք շարունակել այն երկխոսությունը, որ ունենք: Կա բանակցային ձևավորված շրջանակը՝ 3 սկզբունքներն ու 6 տարրերը: Հիշում եք, որ վարչապետը հստակ ասել է, որ կարևոր սկզբունքներից մեկը, թե ինչպես են դրանք մեկնաբանվում և ընկալվում: Այդ առումով մենք հստակ արտահայտել ենք, թե ինչ գերակայություն ունեն Հայաստանի համար ստատուսի և անվտանգության խնդիրները»,- հավելեց Զոհրաբ Մնացականյանը:
Ինչ վերաբերում է ժամկետներին, ԱԳ նախարարն ասաց՝ ձևավորված ավանդույթ կա, որ կողմերն ամեն ինչ համաձայնեցնում են, հետո արդեն միաժամանակ հայտարարում. «Եվ այդ պահը դեռ չի եկել, որպեսզի մենք հայտարարենք: Աշխատում ենք այդ ուղղությամբ: Այստեղ կողմերի միջև հարգանքի խնդիրն է, որ մենք միաժամանակ համաձայնեցված հայտարարում ենք հանդիպման ժամկետների և վայրի մասին»:
Մանրամասները՝ տեսանյութում:
Մհեր Արշակյան
