06.06.2026 | 11:21
ԿԸՀ-ն բավարարել է պատգամավորի 6 թեկնածուի անձեռնմխելիությունից զրկելու միջնորդությունը. նրանց ձերբակալելու որոշում է կայացվել
Շախմատի ԱԱ. Լիլիթ Մկրտչյանն արժանացել է անհատական բրոնզե մեդալի
15.03.2019 | 16:01
Աստանայում ավարտված շախմատի աշխարհի թիմային առաջնություններում շնորհվել են նաև անհատական մեդալներ:
Հայաստանի ներկայացուցիչներից Լիլիթ Մկրտչյանը 2-րդ խաղատախտակի առջև ցույց է տվել 3-րդ արդյունքը և արժանացել բրոնզե մեդալի, գրում է Հայաստանի շախմատային ֆեդերացիայի պաշտոնական կայքը:
Ավելի վաղ հայտնել էինք, որ Հայաստանի կանանց հավաքականն աշխարհի թիմային առաջնությունում գրավել է 8-րդ հորիզոնականը:
Կանանց մրցաշարում հաղթող է դարձել Չինաստանի ընտրանին, որը հաղթանակ է տարել բոլոր 9 մրցախաղերում, 2-րդ հորիզոնականը զբաղեցրել է Ռուսաստանի հավաքականը, իսկ Վրաստանը եզրափակել է լավագույն եռյակը:
Տղամարդկանց մրցաշարում չեմպիոն է դարձել Ռուսաստանը: Անգլիայի ընտրանին անսպասելիորեն զբաղեցրել է 2-րդ հորիզոնականը, իսկ առաջնությունը անհաջող մեկնարկած Չինաստանը վերջնամասում շտկել է իրավիճակը և արժանացել բրոնզե մեդալի:
