15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Այս պահին գույքագրվում են Օղակաձև զբոսայգու և այլ տարածքների սրճարանները․ Երևանի «Իմ քայլը» խմբակցության անդամ. ՏԵՍԱՆՅՈՒԹ
Հասարակություն
15.03.2019 | 12:38
Երևանի ավագանու «Իմ քայլը» խմբակցության անդամ Հայկ Հովհաննիսյանի խոսքով՝ Օպերայի տարածքում բողոքի ակցիա իրականացնող ցուցարարների այն պնդումները, թե այդ սրճարանների ապամոնտաժման արդյունքում գործազուրկ են դառնալու հարյուրավոր աշխատակիցներ, իրականությանը չի համապատասխանում։
«Երբ ասում են, որ մարդիկ գործազուրկ են մնում, այստեղ խոսքը գնում է 28-30 գրանցված աշխատողների մասին, թեև համամիտ եմ, որ ՀՀ-ում սոցիալական վիճակը բարվոք չէ։ Կան մի քանի սրճարաններ՝ Կասկադի և Սարյան փողոցի տարածքում, որտեղ արդեն իսկ 10-12 հոգի գտել է աշխատանք և այստեղ գործել է մեր քաղաքացիների համախմբվածությունը»,- այսօր «Բողոքի ակցիա Երևանի կենտրոնում․ ինչպե՞ս լուծել սրճարանների ապամոնտաժման աշխատանքները» թեմայով քննարկման ժամանակ ասաց Երևանի ավագանու «Իմ քայլը» խմբակցության անդամ Հայկ Հովհաննիսյանը։
Նա նաև հավելեց, որ այս պահին գույքագրվում են նաև Օղակաձև զբոսայգու և այլ տարածքների սրճարանները։
Մանրամասները՝ տեսանյութում։
Աղավնի Սուքիասյան
