12.07.2026 | 16:12
Ուկրաինայի նախագահը հայտարարել է վարչապետի հրաժարականի մասին
Թուրքիան պնդում է, որ F-35 կործանիչները ստանալու է 2019-ի նոյեմբերին
Քաղաքականություն
15.03.2019 | 12:51
Ամերիկյան արտադրության նոր սերնդի «F-35» կործանիչների առաջին խմբաքանակը Թուրքիան կստանա ընթացիկ տարվա նոյեմբերին։ Այդ մասին հայտարարել է Թուրքիայի պաշտպանության նախարար Հուլուսի Աքարը. փոխանցում է ermenihaber-ը:
Ըստ նրա՝ այդ ինքնաթիռները տեղակայվելու են Թուրքիայի Մալաթիա նահանգի ավիաբազայում։ Թե քանի միավոր F-35 է մատակարարվելու նոյեմբերին, նախարարը չի մանրամասնել։
Նա անհիմն է համարել ամերիկացի պաշտոնյաների այն հայտարարությունները, որ եթե Անկարան Ռուսաստանից գնի «S-400» զենիթահրթիռային ՀՕՊ համակարգերը, ապա հնարավոր է ամերիկյան F-35-ներն այլևս չմատակարարվեն։
«Չնայած ամերիկացի պաշտոնյաների հայտարարություններին՝ F-35-երի մատակարարման գործընթացը շարունակվում է։ Մեր օդաչուները շարունակում են պատրաստվել ԱՄՆ-ում։ Ակնկալում ենք, որ նոյեմբերին ինքնաթիռները Մալաթիայի ավիաբազայում կտեղակայվեն։ Մալաթիայում արդեն ավարտվել են նախապատրաստական աշխատանքները»։
