17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Ոստիկանության գործողությունները փողոցը բացելու ուղղությամբ իրավաչափ չէին, նրանք առնվազն պետք է 6 ժամ սպասեին․ Ավետիք Իշխանյան․ ՏԵՍԱՆՅՈՒԹ
Հասարակություն
15.03.2019 | 12:33
Երեկ տեղի ունեցած բողոքի ակցիան, հավաքը ինքնաբուխ էր, ցուցարարներն իրենց ձայնը տեղ հասցնելու համար կարող էին 6 ժամ փողոցը փակել՝ ըստ միջազգային օրենսդրության, այնպես որ, ասել, որ փողոցը նրանց կողմից փակելը եղել է ոչ օրինաչափ, սխալ է։
Այս մասին այսօր «Բողոքի ակցիա Երևանի կենտրոնում․ ինչպե՞ս լուծել սրճարանների ապամոնտաժման աշխատանքները» թեմայով քննարկման ժամանակ ասաց Հայաստանի Հելսինկյան կոմիտեի նախագահ, իրավապաշտպան Ավետիք Իշխանյանը։
«Այնպես որ, երբ ասում են, որ ոստիկանների կողմից բերման է ենթարկվել 22 քաղաքացի ոստիկանների օրինական պահանջներին չենթարկվելու համար, այդ օրինական պահանջների մասին խոսք գնալ չի կարող։ Ոստիկանության գործողությունները փողոցը բացելու ուղղությամբ իրավաչափ չէին, նրանք առնվազն պետք է 6 ժամ սպասեին»,-ընդգծեց Իշխանյանը։
Անդրադառնալով քաղաքացիներին բերման ենթարկելու ձևերին՝ Ավետիք Իշխանյանը նշեց, որ ոստիկանների կողմից վայրենի գործողություններ տեղի չեն ունեցել. «Փողոցի բացման գործողությունները իրավաչափ չէին, բայց ուժի կիրառոումը եղել է ոչ շատ բիրտ։ Հատուկ այդ ուղղությամբ ոստիկանությունը չի աշխատել։ Լրատվամիջոցներն էլ ազատ աշխատում էին, և նրանց նկատմամբ չի եղել բռնություն»։
Մանրամասները՝ տեսանյութում։
Աղավնի Սուքիասյան
