10.10.2026 | 18:45
Քննարկվել են Հայաստան–Կորեա համագործակցությանն առնչվող հարցեր
«Նորքի զինված խմբի» գործով նիստը կրկին չկայացավ․ Արթուր Վարդանյանը քաղաքացիական հիվանդանոցում է
Հասարակություն
15.03.2019 | 11:33
Երևանի ընդհանուր իրավասության դատարանի Կենտրոնի նստավայրում այսօր կրկին չկայացավ Նորք-Մարաշի «Զինված խմբի» գործով հերթական դատական նիստը։
Պաշտպաններից ոմանք գտնվում են արձակուրդում, և դա է հանդիսացել նիստի հետաձգման պատճառ։
Նշենք, որ այս գործով ամբաստանյալներից միայն Արթուր Վարդանյանն է գտնվում անազատության մեջ։ Նրա պաշտպան Սիրուշ Աղվանյանը Factor.am-ին ասաց, որ Վարդանյանը գտնվում է քաղաքացիական հիվանդանոցում։ Թե առողջական ինչ խնդիրներ են առկա, պաշտպանը չցանկացավ մեկնաբանել։
Փաստաբանը նաև տեղեկացրեց, որ պատրաստվում է Արթուր Վարդանյանի խափանման միջոցը փոխելու վերաբերյալ հերթական միջնորդությունը ներկայացնել։
Հիշեցնենք, որ 2015-ի նոյեմբերի 25-ին ԱԱԾ-ն հայտարարություն տարածեց այն մասին, որ Նորք-Մարաշում վնասազերծվել է զինված խումբ: Ըստ մեղադրանքի՝ Արթուր Վարդանյանի գլխավորած՝ 2015 թվականին Նորք-Մարաշում վնասազերծված 20 հոգանոց զինված խումբը ծրագրել է բռնությամբ զավթել իշխանությունը:
Լիլիթ Շաբոյան
