02.11.2024 | 12:19
ՀՀ ոստիկանությունը քաղաքական պատվեր է կատարում․ Հ․ Ավետիսյանը ուղերձով դիմեց Ոստիկանությանը և ԱՄՆ դեսպանին․ ՏԵՍԱՆՅՈՒԹ
Բողոքի ակցիայի մեկ մասնակից և ոստիկան մարմնական վնասվածքներով տեղափոխվել են հիվանդանոց
Հասարակություն
14.03.2019 | 15:57
Սրճարանների ապամոնտաժման դեմ անցկացվող ակցիայի արդյունքում մարմնական վնասվածքներով երկու քաղաքացի տեղափոխվել է Երևանի թիվ 1 հիվանդանոց: Տեղեկությունը Factor.am-ի հետ զրույցում հասատեց հիվանդանոցի խոսնակ Շուշան Դանիելյանը:
Տուժածներից մեկը ոստիկան է՝ 26-ամյա Ա.Կ-ն, իսկ մյուսը՝ ակցիայի մասնակից՝ 66-ամյա Սվետլանա Համբարձումյանը: «Ոստիկանության աշխատակիցը ստացել է գլխի շրջանում վնասվածքներ: Առողջական վիճակը ներկա պահին գնահատվում է բավարար: Նրա հետազոտությունները վերջացրել են, նա դուրս կգրվի:
Կինը 1953 թվականին ծնված քաղաքացի է, վնասվածք է ստացել գոտկային շրջանում: Նա դուրս է գրվել»,- ասաց Դանիելյանը՝ հավելելով, որ տոժածները հիվանդանոց են տեղափոխվել ժամը 14-ի սահմաններում: Նշենք, որ երկու օր է՝ Երևանի քաղաքապետարանը սկսել է ապամոնտաժել Օպերայի հարակից տարածքում գտնվող սրճարանները: Աշխատակիցները բողոքի ակցիաներ են սկսել:
Ոստիկանությունից Factor.am-ին տեղեկացրեցին, որ բերման ենթարկված քաղաքացիների թիվը շարունակում է մնալ 16: Բոլորը ոստիկանության կենտրոնականի բաժնում են, նրանցից ոչ մեկը դեռ ազատ չի արձակվել:
Նարեկ Կիրակոսյան
