02.07.2026 | 19:10
Դիակի վրա կարող ա մարդուն բռնես՝ գնան արդարանան, դուրս գան․ Փաշինյանը՝ դատական համակարգի մասին․ ՏԵՍԱՆՅՈՒԹ
Ջուր է. Ռուբեն Սահակյանը Քոչարյանի մեղադրանքների մասին
Հասարակություն
14.03.2019 | 15:23
Factor.am-ի թղթակիցը Երևանի ընդհանուր իրավասության դատարանից հայտնում է, որ արդեն հինգ ժամ է` ինչ շարունակվում է ՀՀ երկրորդ նախագահ Ռոբերտ Քոչարյանի կալանքը երկարացնելու միջնորդության քննարկումը:
Ռոբերտ Քոչարյանի պաշտպան Ռուբեն Սահակյանը ընդմիջմանը լրագրողների հարցերին կարճ պատասխանեց:
Հարցին, թե ինչպես է հիմնավորում վարույթն իրականացնող մարմինը կալանքը ևս երկու ամսով երկարաձգելու միջնորդությունը, Սահակյանը պատասխանեց.
«Նույն հիմարություններն են, ինչ որ նախկինում էր»:
Սահակյանn, անդրադառնալով գործին, ասաց.
«Ապացուցված է` ջուր է»:
Նշենք, որ Քոչարյանը ներկա է այսօրվա նիստին:
Հիշեցնենք, որ նրան մեղադրանք է առաջադրվել 2008 թվականի արյունալի դեպքերի ժամանակ Սահմանադրական կարգը տապալելու համար:
Ռոբերտ Քոչարյանը դեկտեմբերի 7-ից գտնվում է կալանքի տակ:
Լիլիթ Շաբոյան
